陳鈺芸拍攝聖誕硬照 聖誕願望:傷腿早日康復 (圖輯)

剛考獲跆拳道黑帶二段歌手兼武打女星陳鈺芸(JuJu)日前拍攝聖誕硬照，她表示2014年除了要代表香港跆拳道（ITF) 到泥泊爾打亞錦賽及到加拿大打世界杯外，也忙於宣傳新動作片《猛龍追撃8小時》及正為兩套功夫片做前期準備。

日前因疲勞過度拉傷了左腳，現在只能踢起右腳，自嘲變咗右腳妹。近日JuJu要減少操練和為左腳做物理治療，擔心影響備戰亞錦賽，所以今年聖誕願望係可以早日康復，有健康身體迎接2014。

暫時廢咗左腳既JuJu原來今年年初亦被人廢過武功。年頭本來在奧斯卡金像獎監製Roger Corman 的荷里活動作片“Fist of the Dragon”，與美國 UFC 冠軍MMA 拳星 Josh “The Punk” Thomson 會有一場激烈打戲，但因最後由打女配角角色被監製轉換了角色，JuJu升呢做女主角，演Josh的女友，要被拐和受虐待，由打女變成要演文戲和情感戲角色。

JuJu說：「0係套打片裡面無得打係有D可惜，但作為演員，一定想做女主角，所以有得比我發揮演技既機會，我唔會錯過，亦希望下次可以拍到又係打女又係主角既戲。」