❝寫個人字人長生❞｜法科師傅揮毫寫揮春：想憑藉祖師爺賦予力量 同大家分享喜悅

「年廿八洗邋遢，若然不洗點會發？」年尾嚟一次大掃除意味著去舊立，貼揮春轉換新氣象！

講到揮春，平時見多數都係老一輩師傅寫嘅，但今日即席揮毫嘅係位年輕師傅？原來係一位六壬法科鄭師傅（神功小子）。

師傅表示學法嘅弟子都會被賜予法力，好似技能解鎖咁能夠啟動運用法門中奧秘。

透露法門奏章內文其中一句：「寫個人字人長生，寫個鬼字鬼滅亡。」表示我哋寫符唸咒會產生出效力，平時都要注意勿隨意咀咒別人及書寫唔好嘅嘢，怕會應驗！

亦都因為咁樣希望可以憑藉祖師爺賜予嘅法力去行善，自問手字唔靚但都想與大家分享呢份祝福同喜悅。

鄭師傅又話自己冇學過書法啲字唔靚，都係寫符練返嚟。揮春風格按傳統書法字體及部分加插可愛卡通元素迎合年輕一派，希望大家會鍾意。

位於大埔林村天后宮廟方梁師傅與鄭師傅友好，很樂意借出地方。


仲呼籲信衆年廿九果晚食完團年飯可以過嚟上頭炷香。當晚或會再邀請鄭師傅過嚟揮筆寫揮春，熱熱鬧鬧過新年。