《破．地獄》連續62日留守票房三甲位置 票房勁破1億5千6百萬 衛詩雅演技爆發引影后呼聲

英皇電影鉅作《破·地獄》，由陳茂賢執導、編劇，黃子華及許冠文（Michael）攜手主演，並搭配9大金像級陣容衛詩雅（Michelle）、朱栢康（朱康）、周家怡、秦沛、金燕玲、韋羅莎、梁雍婷、白只、鍾雪瑩等。電影票房勢如破竹，由11月9日開畫日起連續62日留守票房三甲位置，不僅成為觀眾熱議話題，更打破多達十一項影史紀錄。最新港澳累積票房數字突破1億5千6百萬，踏入2025繼續氣勢如虹！

電影熱度停不了，戲中演員的出色演技更成為話題焦點。「第18屆亞洲電影大獎」入圍名單中，《破·地獄》獲得三項提名，當中包括最佳男主角—許冠文、最佳男配角—朱栢康及最佳原創音樂—朱芸編，榮獲最佳男配角提名的朱康收到消息後表示驚喜：「真係冇諗過自己可以擠身到亞洲電影大獎最佳男配角提名名單，好surprise，喺度多謝亞洲電影大獎評委揀咗我喺《破·地獄》嘅演出，可以同其他亞洲地區出眾嘅演員一齊角逐，對於我嚟講係一個好大嘅光榮同榮幸。多謝《破·地獄》台前幕後嘅工作人員、導演同編劇陳茂賢先生、編劇鄭緯機先生、黃子華先生、許冠文先生同衛詩雅小姐等一齊成就我嘅演出。另外多謝我經理人團隊嘅照顧。」

此外，觀眾及多篇影評大讚亞太影后Michelle的演出高度，令人為之期待Michelle在接下來電影頒獎禮繼續受到肯定；而飾演她兄長志斌的朱康亦因實力派演出備受關注，被視為最佳男配角大熱。戲中破地獄的重頭戲，Michelle飾演的文玥，與朱康聯手完成，兩兄妹默契十足，場面扣人心弦。

劇組今日特別公開此場戲的拍攝花絮，展現出Michelle與朱康面對破地獄高難度動作的決心與毅力。為了完美呈現這場戲，Michelle在拍攝前經歷了長達9個月的高強度訓練，朱康亦不例外。二人在拍攝前數天，幾乎每個空檔都都在靈堂搭景處反覆練習動作，熟悉超度儀式中的每個細節。拍攝當日，他們與武術指導及喃嚤師傅頻密交流，每次拍攝結束後便坐下休息，身心顯得十分疲憊。這場戲不僅是精神上的挑戰，更是對體力的考驗；幾經辛苦，最終順利拍攝完成，子華跟劇組全場響起如雷的掌聲，同場的周家怡，見證住兩人付出，更加感動落淚：「呢場破地獄除咗你哋無人能夠破到！」朱康流出喜悅的眼淚又笑著說：「我多樣嘢撈喇！」

戲中另一場Michelle獨自破地獄的場景，就需要帶著悲傷情緒為摯親完成儀式，更要挑戰高難度的跨火盆動作。拍攝前，導演陳茂賢親自與Michelle深入溝通，幫助她進入情緒狀態。Michelle不負眾望，順利完成動作並獲得全場喝采。她興奮地展示自己被燒焦的頭髮，分享當下的感受，而與Michelle合作無間，老友鬼鬼的導演陳茂賢也在鏡頭前幽默點評：「其實佢係做得好嘅，都話晒練咗9個月啦大佬，咁都做唔到嘅話你畀返份糧出嚟啦。」

Michelle亦感性回憶當日拍攝：「真係終於拍嘅時候，其實係有種show time嘅感覺，係興奮嘅，有少少緊張，但就enjoy嘅過程多啲。同埋都有一種好特別嘅感覺，拍嘅時候你會覺得全crew，都好似幫你加油緊咁樣，尤其係有啲工作人員，係由我第一日開始學跟足跟拍，有個女仔，佢話好感動，我就更加覺得，似一班朋友幫我一齊做一件事，最後成功咗。」