2024年唱作新人張運兒Yoona 首度挑戰跳唱 為新作〈無人陪我也很快樂〉忘我玩飄移車

2024年新人張運兒Yoona繼推出〈Hallucinate〉及〈What am I looking for〉後，再度推出第3首作品〈無人陪我也很快樂〉，今次Yoona更首度挑戰跳唱，向樂迷展示更多不同才能，而在MV中，Yoona一個人駕駛飄移車時玩得投入，也真情流露，展現獨處也可以很愉快。

〈無人陪我也很快樂〉由楊鎮邦Bryan監製及編曲， Yoona今次繼續夥拍Bryan作曲及填詞，歌曲延續〈What am I looking for〉主題：在經歷過尋找、探索之後，發現一個人都可以很快樂 。Yoona介紹歌曲道：「今次係〈What am I looking for〉嘅延續，講嘅喺獨處嘅時候點樣搵到內心嗰份快樂同埋自在，喺經歷過一番尋找同探索之後，原來一個人都可以好快樂，我好希望想透過今次新歌分享呢份自在同滿足。」

不過今次〈無人陪我也很快樂〉有別於常見的創作程序，先由Bryan參考K-pop做好編曲，然後再一起創作旋律，Yoona更填上韓文歌詞成為demo，而demo副歌部份以「hoo」哼出來，Yoona當時想出「無人陪」三個字，這正好配合歌曲主題，所以亦順勢由此出發，構思出〈無人陪我也很快樂〉這個歌名。細心一聽，會發現Yoona刻意在錄唱和音時保留韓文短句，令歌曲保留原本demo的味道。

Yoona鍾情K-pop，熱愛的程度除了煲韓劇睇綜藝之外，更會學習韓文，學跳K-pop，而她的跳舞底子亦是由此而慢慢建立起來，所以在〈無人陪我也很快樂〉的MV中，Yoona也一展舞技。過去常跳K-pop，今次終於學習自己歌曲的舞步，Yoona開心道：「好開心有屬於自己歌曲嘅舞步，又有自己嘅唱作作品，同以前跳K-pop好唔同，今次有排舞師Ginger幫手度身訂造，配合返音樂風格，喺學嘅時候都好投入，仲好有滿足感添。另外就係今次因為要通宵拍攝MV，過程中要不停跳舞，好在一早都有心 理準備，拍攝前都盡量休息多啲同埋食多啲豐富嘅嘢，就可以撐到成個MV拍攝。」

〈無人陪我也很快樂〉MV特別選擇在商場內拍攝，只見Yoona自己一個去食拉麵、打機、逛街，就連玩飄移車也獨自一人，而在拍攝飄移車的時候，Yoona自得其樂駕駛著飄移車，在車道上奔馳，她更高呼好爽，完全進入了「無人陪我也很快樂」的狀態！她笑說：「我自己本身都有車牌，所以玩飄移車都唔太驚，反而覺得好好玩，係一個好特別嘅體驗！」

從參加比賽而逐步成為2024年唱作新人的Yoona，在推出過3首歌曲後，她感恩表示：「作為今年新人完成咗三首歌，我覺得好感動，亦係一個好大嘅突破，由最初好怕醜，到而家可以喺舞台表達自己，呢一年係成長咗好多，好多謝監製Bryan同埋每一位支持我嘅朋友，而未來我都會繼續努力，喺音樂上探索更加多嘅可能，挑戰唔同風格嘅作品。」

張運兒Yoona〈無人陪我也很快樂〉MV現已於YouTube推出，如欲欣賞，請瀏覽：