朱晨麗出席 全新型格電車 NAMMI BOX 發佈會

全新型格電車 NAMMI BOX正式登陸香港，為隆重其事大會邀請朱晨麗出席發佈會，仲自爆揀車心得！

不過Rebecca 就話自己曾「考過」車牌，仲想搵時間再次挑戰：「上次考都好年前喇，當時同時朋友一齊去報名，近年都想再考翻車牌，不過要就時間去上堂係最困難。（大把人爭住車你唔洗考？）係㗎！大把車爭住比我坐，比錢咪有人載我囉！」

朱晨麗台上就話人儀粉紅色戰車，仲話要多功能夠實用，但就拒絕追求者揸粉紅色車氹自己開心喇：「如果男仔揸粉紅色車真係唔得，我要諗佢係『閨蜜』定係咩，其實揀車最緊要有個性啦。」

剛完成拍劇嘅Rebecca就話放假休息，唯姊妹未齊人冇得去旅行：「我之前年年都會去泰國，今年就仲未去過，因為啲期大家夾嚟夾去都唔齊人！」