張敬軒重新演繹《幾分鐘的約會》經典電影片段勾浪漫回憶

張敬軒喺較早前為港鐵拍攝 45 周年廣告仲重新演繹《幾分鐘的約會》呢首經典之中嘅經典，軒仔喺站入面遊走睇見一幕幕唔同年代嘅港產經典電影，睇到好多站入面邂逅、相聚嘅溫馨小故事，睇到啲回憶都返晒嚟咁話。

廣告中軒仔經過月台電視，重溫張國榮、張曼玉拍攝嘅電影《緣份》，二人係車廂中激吻，Do 姐、林子祥喺《三人世界》入面嘅鬥嘴，佢哋仲孭住行添！緊接青澀嘅亞 Sa 喺
《下一站天后》追夢嘅旅程，甚至喺輕鐵發生嘅《幻愛》，仲拍得非常有意境! 軒仔話:｢睇返呢啲片段真係回味無窮，位位都星光熠熠，我有幸可以喺呢個廣告入面同佢地同場出現添! ｣軒仔仲話電影同音樂呢啲流行文化就同大家嘅生活息息相關，所以車站、列車等等成日出現喺呢啲作品入面。大家每日都會搭車出出入入，車站甚至連接住商場同埋屋苑，由1979 年通車到宜家，45 年嚟港鐵就係咁陪伴住港人一齊成長。

軒公難得走入車站拍廣告，趁機參觀同「打卡」，佢發現金鐘站設計新穎，仲話依家月台好大好靚，不時喺燈箱見到自己嘅廣告，覺得好有愛！