許廷鏗LIVE 2023演唱會許廷鏗「自導、自演」演唱會＋聖誕市集盼與樂迷歡度聖誕節

2023-11-08 浩楠

歌手許廷鏗(Alfred) 早前宣佈聖誕節期間將於假西九安盛x竹翠公園舉行，由自家唱片公司自許紀錄主辦、耀榮文化合辦，嘉士伯最滑呈獻：【SANTA JAMBOREE音楽生活祭リ】許廷鏗LIVE 2023演唱會。活動由嘉士伯、AXA 安盛、SEIKO、恒生銀行、Mastercard、國泰航空及叱咤903 全力支持。

日前推出新歌「一場同學」MV，邀請鄭欣宜(Joyce)擔任女主角，引起歌迷熱議紛紛表示被二人深厚感情感動，Alfred透露好友狀況：「大家睇到佢演出都應該知道佢狀態真係好好，我地當日前拍足二十個鐘，佢由朝到晚都一如以往咁專業同充滿正能量，令整個拍攝團隊都好歡樂！以我所知佢已經非常ready投入工作，好快大家會見到佢。作為朋友替佢開心，希望大家熱烈歡迎佢回歸！」

至於有否邀請好友睇騷，Alfred直言：「我何止約佢睇，我直頭邀請佢做嘉賓啦，大家都掛住舞台上嘅Joyce啊！不過佢仲未應承我，你地見到佢都幫我追追佢！」

近日Alfred除了宣傳新歌外，還為「自導、自演」的演唱會及聖誕市集忙過不停：「呢排不停開會同籌備都真係好忙，因為成個演唱會同市集咩都關我事，甚至聖誕市集內啲檔攤，全部都係我自己親自挑選，所有都係我鍾意嘅衣食住行小店。市集每日show前都會開放，公眾免費入場，希望大家有個開心熱鬧嘅聖誕節！

至於買飛入場嘅歌迷，建議早啲到，食買玩完就入場睇show，由入場到離開都充滿節日氣氛，當去旅行，唔好浪費咗個聖誕節。」

除了策劃外，Alfred都忙於為演唱會健身、排舞及綵排，清減不少的他透露已經減去十多磅：「outdoor show係自己一直好想挑戰嘅，需要嘅體力真係比室內場大好多，加上今次繼續有WinWin同KC幫我排舞，佢地好有energy，所以我都要嚴陣以待。」

體能準備之外，聲音都要開始進入狀態，所以Alfred每星期都會上唱歌堂，對於演唱會內容，他難掩興奮：「你地都知我係鍾意每場都有唔同歌單，所以要練好多歌啊，不過今次準備好多大家耳熟能詳嘅歌，到時一齊大合唱等我偷啲時間飲啖水！（仲有冇秘密武器可以透露？）大家係要親身入嚟睇，因為淨係個台都已經超乎你所想，歌迷係好容易見到我嘅，落足本啊！自己做老闆係可以任性少少，完全無錫住自己個荷包，所以大家幫手買晒啲飛佢啦，哈哈！」

嘉士伯最滑呈獻:【SANTA JAMBOREE音楽生活祭リ】許廷鏗LIVE 2023由自許紀錄主辦、耀榮文化合辦，
演唱會詳情如下：日期：12月24-26日（星期日－星期二）
地點：AXA x WONDERLAND｜安盛x竹翠公園時間：8:30PM (12月24日場次時間為晚上9:30PM)
票價：$980/$780/$580
優先訂購：恒生Mastercard® 信用卡客戶可於11月15日早上11時起獨家優先訂票公開發售：11月17日早上11時優先購票及公開發售網址: https://tix-get-go.kktix.cc