梁釗峰拍住香港共融樂團香港站唱live 為「港鐵藝術舞臺」掀序幕

歌手梁釗峰日前出席「港鐵藝術舞臺」開幕禮，喺香港站繁忙嘅放工時段獻唱新歌《已……》、《28天》同《天梯》3首歌。當釗峰出場時即刻炒熱氣氛，引得現場Fans歡呼不已，非常開心投入， 更吸引左好多乘客圍觀聽佢嘅靚聲，佢唱出《28天》時不少途人停低腳步打卡！當唱《天梯》時，台下一眾主禮嘉賓更一起和唱，相當投入。釗峰話第一次以個人身份喺港鐵站唱歌：「成日經過呢個車站，有得唱歌真係唔同啲！以前我都成日街頭Busking，嗰陣時都冇呢個字，總之我係唱歌而唔係賣藝，因為冇收錢嘅！當時永遠唔知會遇到咩人，係講緣份、即興，好珍惜舞台度見到大家。」

「港鐵藝術舞臺」因受疫情影響而停辦，呢日以新面貌、新元素同大家見面，為藝術表演愛好者提供全新表演舞臺一展所長，釗峰讚賞對藝術發展係好事：「其實有呢個舞台存在已經係推動藝術。」

呢日拍住釗峰同場表演嘅仲有由殘疾及傷健人士組成的香港共融樂團，釗鋒仲坐定定欣賞對方演出。完騷後釗鋒在香港站內與Fans影合照才離場，相當識氹粉絲！