一人分手故事　變成二人失戀歌 AK & Ian@Mirror首度合唱〈蝸牛〉

Mirror成員江生（AK）第二首單曲〈蝸牛〉自推出以來反應熱烈，全城熱播。為了為樂迷帶來驚喜，AK特別與〈蝸牛〉的作曲人，同時是Mirror成員的陳卓賢（Ian）推出〈蝸牛〉合唱版。

其實早在〈蝸牛〉推出之時，就已有製作合唱版的想法，AK表示：「Ian當日交來出來的demo就有answer back嘅概念，而呢個answer back嘅方式好適合做合唱版，所以就延伸咗呢個版本。」二人早前在Instagram開live合唱已引來極大迴響，更促成落實合唱版的決定，將由原本一個人的經歷，變成兩個男生的故事，歌曲的尾段更以對唱形式呈現，訴說二人的失戀故事。

歌曲灌錄完成後，AK和Ian都覺得可以將歌曲影像化，交代兩個男生的分手故事，Ian說：「其實〈蝸牛〉裡面兩個男仔喺愛情路上遇到嘅經歷都差唔多，大家都對自己嘅後知後覺好後悔，所以MV就係兩個互不相識嘅男仔喺同一時空嘅失戀心情，以一個畫面呈現兩個故事。」早前導演特別安排AK和Ian在中上環一帶拍攝各自傷心地遊走街頭的畫面，雖說是分頭「行事」，但偏偏都做著差不多的事情，藉以比喻二人在愛情中的異同，不過MV當中也有一些相遇的鏡頭，但卻像陌生人般未有任何交流。Ian很喜歡這個拍攝概念，他說：「都同人生幾似，有好多人同我哋擦肩而過，但其實好有緣份，只係爭嗰一步，所以先唔識對方。」AK也十分認同，說：「呢個構思幾好，好襯〈蝸牛〉嘅主題：兩個男仔都喺度敘述分手故事，但各自嘅情緒喺各自嘅世界做各自會做嘅事情，只係咁啱喺某啲情景會相遇，又或者做嘅事情部份會有關連。」

在今次〈蝸牛〉合唱版合作後，AK和Ian可有想過未來再度合作？AK笑言：「大家都係Mirrror成員，合作機會都好多，但如果可以，未來最想以唱作形式合力炮製一首全新嘅作品，因為我哋由《全民造星》時認識，當時傾偈都發現大家喺音樂上嘅想法，或者鍾意嘅音樂類形都好相似，所以都希望可以睇下有冇機會一齊做一首歌，睇下撞出乜嘢火花。」至於Ian就想和AK一齊過戲癮，他說：「希望可以一齊拍劇或者電影，特別係我哋都好想拍電影。之前有同其他Mirror成員拍電視劇《男排女將》，但未試過同AK合作，所以都想試下。」