UTO娛樂｜浪漫婚活 ｜Whatsapp睇完唔覆你 話你知人地個心諗緊咩！

「點解佢成日都已讀不回？」相信每個人都遇過「已讀不回」的情況，自從WhatsApp新功能「藍剔」面世之後，相信更加多人會留意著，明明訊息傳了出去，而且那該死的藍剔亦清清楚楚話俾你知對方唔單只收到，仲睇埋，但就係唔覆你。不過我相信每個人已讀不回背後都總有原因。以下5個理由，相信不少被責罵過的人都會大力點頭表示認同。

• 「我忙到爆炸，仲要我即讀即回？」

大部分香港人都需要multi-tasking，有時read完你個message快快地看一下有沒有急事，又立即趕住做其他更重要的事情，忙完一輪後唔記得回覆。所以唔好expect對方讀完即回，因為速讀往往比回覆快。

• 「成日都要download 你d voice message，電話無晒Data喇。」

很多人都鍾意用voice message，但當你每個message都分幾兩分鐘，不是人人都有時間或心情逐個聽的。而且，無wifi的時候要download voice message其實用好多電話數據。或者慢慢回應呢？

• 「即刻覆你，我咪無曬矜持囉！」

很多人都覺得，特別是曖昧中的男女，如果對方一傳來訊息，你每次都九秒九回應，就會顯得非常重視對方，非常期待對方找你。所以，很多人，特別是女生，為了給對方矜持的印象，已讀一段時間才會回覆。

• 「成日都唔應你機，咁都仲唔明？」

「沒回覆，就是最好的回覆。」有些人常常已讀不回你，可能就是他們真的不想回覆你！他們可能不想令你諗多左，亦可能他們其實嫌你煩，而更差的就是不讀也不回。與其單方面聊天，倒不如想想問題會否出現在自己身上。

• 「你問呢樣又問果樣，查家宅咩？」

就算十分熟悉的朋友都未必會知道的個人資料，跟對方才新相識的你便問東問西，不嚇怕對方才怪。對女生來說，凡是涉及年紀及身材，就要好好小心。而男生比較敏感的，就是被問到職位和收入。所以，如果不想以藍剔相對，就要特別留意這些話題了。就算speed dating或單對單約會想快啲認淸對方，都要暫時忍一忍。