林曉峰與程瑤分享培育兒子心得

林曉峰日前聯同程瑤及老公朱仲賢獲邀出席保險公司活動，於台上分享多年來培育兒子的心得，互相分享生活的點滴。提到與程瑤份屬好友，林曉峰笑言與對方經常在工作合作成日見，不過雙方兒子只一齊玩過兩次，他說︰「我們兩家人的兒子都只係見過兩次，都是在生日派對，但大家都讀國際學校，好易就friend到。」
提到兩名兒子已十多歲，林曉峰透露有意讓兒子到外國升學，更打趣說要跟程瑤「偷師」，他笑說︰「我的兒子比他們的細少少，知道程瑤兒子準備到英國升學，加上我又鍾意足球，特別係曼聯，都會參考佢哋意見。 」不過他自言自己相當「孝順」兩名兒子，故會尊重兒子的選擇，他表示︰「我都要尊重番兩個仔，因為我好孝順我啲仔，睇下佢哋鍾意讀嘅嘢外國有冇呢？有冇其他渠道讀到呢，畀佢哋自己去搵，我地幫佢地做得太多野，會好似冇咗求生能力。」

朱仲賢認為 「沒有教不好的孩子, 只有不懂教孩子的父母」，他坦言好開心今日以「我最喜歡的父親身份」，與過千位來賓分享培育孩子，為他們籌劃將來的心得。而程瑤坦言應該讓兒子自由發展，絕不做怪獸家長，她說︰「好開心今日可以喺度同大家分享，我們應該幫助他們培養自己興趣，唔好畀太大壓力佢哋，只要佢哋開心最重要，當然品德方面就要好啦，唔可以做壞事，因為品德唔好，搵到錢都會用在唔好地方。」林曉峰則說︰「我的想法都係一樣，人的價值觀同品德好緊張，品德緊要過你讀唔讀到書，大個搵唔搵到錢。」

至於將來會否支持兒子入行做藝人，林曉峰笑說︰「國際學校培養小朋友唔係咁單一，做好多project去參與，你話佢哋會唔會做呢個行業，其實都可以，不過現在唔知。不過如果佢哋要入行，等我退左休先啦，因為佢出到嚟點同我鬥呢？ 」