【UTO娛樂】化妝師Natalie:「男仔好驚女仔個嘴搽咗lip gloss…」

【UTO娛樂】星級化妝師Natalie Chan話港女去Dating時千祈唔好假眼睫毛貼得太跨張又或者太稀疏，眼影唔好太實色，又或者搽姨媽紅既嘴，都係好趕客既妝容。「事實上，而家啲男仔都係鐘意PINK啲既嘴，妝容要簡單自然，望落去要舒服，千祈唔好大紫大紅，男仔會好驚。」

HKRD節目邀請到星級化妝師Natalie Chan擔任嘉賓，分享做化妝師的心得同埋Dating妝容秘技。Natalie大爆其實好多男仔都好驚女仔個嘴搽咗lip gloss, 因為佢哋會感覺得「黐泣泣」，有時連想鍚都唔敢鍚。「建議個嘴有少少水潤，唔好太玻璃嘴就ok啦!」

Natlie佢做過咁多場婚禮，試過都有遇到麻煩客，佢曾經為一位新娘化妝，但佢又要Natlie跟住自己既意願化妝，搞到朋友話佢個妝唔好睇，仲要賴落Natalie身上，話佢化妝唔ok。「因為新娘妝同一般自己平時所化開既妝有唔同，如果客人堅持要求化自己想要既妝容都會俾返意見佢，當然唔係所有新娘子都係咁，好多都好信任我，並獲讚賞，希望每位新娘子有個美滿既婚禮。」

Natlie大爆嫁得出都係有樣睇。「嫁得出既樣殺氣會較低，有平易近人既感覺，而且佢哋好多喺相處溝通上面都較隨和，隨和既新娘既老公都會好幫得手添!」對於2019年新娘妝既潮流，Natlie話而家都係興自然簡單，偏向日系韓系妝容為主。

#浪漫婚活 #HKRD #UTO娛樂