【UTO |娛樂| 浪漫婚活】男追女隔重紗！

【UTO |娛樂| 浪漫婚活】男追女隔重紗！

要吸引心儀嘅女仔鍾意自己, 其實一啲都唔難, 計我話，依家呢個年代，男追女先係隔重紗!!
好多女仔都向我投訴男士們做嘢冇交代，唔上心，雖然話女人心海底針，但無論18歲定80歲嘅女仔都鍾意男仔尊重自己， 記住自己嘅喜惡，記住對自己嘅承諾。所以只要你將女士們嘅說話記喺心上面，搵機會表現出嚟，用心做一啲你應承過佢嘅嘢，再加上專一認真，咁你已經fight低超過一半嘅男仔。

可能你會問，我平時己經好細心，但佢偏偏望都唔望我一眼！諗深一層，佢冇興趣望你，可能同你個 Look 有好大關係。

講個秘密你知，其實女仔最鍾意男仔著恤衫，記住係有領有袖、合身嘅恤衫，而唔係T恤。至於條褲一定要合身，唔可以太鬆太窄或者太長。再加上Gel下頭、噴少少古龍水、保持口氣清新、保持好嘅皮膚狀態，啲女仔一定會欣賞你嘅品味。

圖：香港婚活創辦人 張惠萍 Anita

到你吸引到心儀對象同你約會，千祈要表現得大方得體，不卑不亢。細心聆聽對話說話，不要打斷別人的話題；少說無所謂、唔知道、唔想，這類表現出你悲觀情緒的說話。
男士們，勇敢追求你心儀嘅女仔啦!! 加油啊!!