袁富華、鄧萃雯新劇大鬥演技 劇組「加餸」慶祝奪獎

日前勇奪金馬獎最佳男配角獎的袁富華（Ben），返港後立即為ViuTv新劇《婚內情》趕工，伙拍鄧萃雯、林德信大鬥演技。攝影師更「加餸」慶祝Ben哥得獎，袁富華笑指已收拾心情，為新工作做準備：「一返到香港就要排舞台劇，之後咪黎呢度開工，工作都未停過，不過係開心嘅。雖然第一次同雯女合作，不過大家都有講有笑，已經唔記得當中的疲累。」

袁富華就話未諗加片酬，隨緣圓滿「主角夢」：「緣份到自然有啦，其實之前都拍了部電影做主角，不過未上映，其實一切都係等緣份到，我本身好鍾意做戲，所以有冇咩獎都唔緊要，最緊要有戲比我做。」

新劇與鄧萃雯、林德信首度合作，袁富華大讚有火花：「第一次同雯女合作，因為大家好肯傾，因為我舞台劇出身，好著重排練搵火花，搵最好的演出方法。（拍完有冇得放假？）冇啊，因為我地做舞台劇，拍完就要埋位閉關排戲，所以一直做落去。」

鄧萃雯為Ben哥送上祝福，更大讚對方專業，放心跟對方鬥戲：「因為佢係舞台劇演員，佢地有個習慣就係會做足功課，黎到現場見佢準備十足，所以我放心同佢夾唔同火花出黎。」鄧萃雯劇中與林德信較多對手戲，雯女透露Alex做戲有天份：「佢係好用心去做戲的人，有時Alex會幫我入戲，會令我地對手戲演得更好。」

拍攝途中雯女突然送上蛋糕慶祝袁富華得獎，大讚對方為港爭光，Ben哥忍不住喜極而泣：「咁鬼馬！唔怪之得未cut機就入黎啦！搞到我喊晒又要補妝！」