劉兆銘獲頒「傑出成就獎」雷晴雯得恩師幾生修到
藝人雷晴雯Winnie日前出席香港舞蹈界年度盛事「香港舞蹈年獎頒獎禮」，除了見證其舞蹈界好友獲獎喜悅外，坦言更重要是必須見證恩師Ming Sir劉兆銘獲頒「傑出成就獎」的重要時刻。
得Ming Sir此恩師Winnie坦言自己簡直幾生修到：「無論於戲劇或舞蹈方面，Ming Sir從來都係傾囊相授，尤其遇上瓶頸位諗唔通嘅時候，Ming Sir抽時間都會喺電話度幫我分析解構問題嘅癥結所在，但就永遠唔會教我要點樣去做，Ming Sir話教，係令我理解明白，如果佢教我點做反而會影響我嘅思維、創作同演繹，佢一直都教我搞藝術必須要有自己嘅思想同天馬行空，趁仲後生就放膽去做，畏首畏尾嘅人係唔會成功。」
雷晴雯為見證劉兆銘獲「傑出成就獎」特意盛妝出席，把恩師哄得笑逐顏開。
Winnie興奮憶述Ming Sir領獎時場面是難得一見的壯觀震撼，全場舞林中人全體起立熱烈鼓掌持久未停，最後要由司儀打趣跟Ming Sir說，要他快點開始致辭方能控制場面。Ming Sir致辭時笑言自己樣樣都是半桶水兼半途出家，三十幾歲才「出海」放洋去外國學舞，學完這樣又「跳船」去學第二樣，其他舞者隨便一提腿便輕易踢到頭頂，他卻連腰都未過，但卻無礙Ming Sir對舞蹈及編舞的熱忱及鍾愛，最後更成為首位於法國為法國舞團編舞的華人編舞家。
劉兆銘於舞蹈界地位崇高得敬重，各大舞團爭相與他合照留念：
Winnie坦言早前決定重新穿上芭蕾舞鞋，Ming Sir給了她很大的鼓勵：「脊椎重創之後平衡力無晒，無啦啦都會失平衡，根本就跳唔返舞，即便再跳都無可能回復以前水準，除了一位好朋友外差不多全部人都勸過我放棄。但Ming Sir一直都同我講，話『真正嘅夢想』係唔會受任因素或困難而阻礙到，做唔做到，唔係由其他人話我知，而係由我自己親身去試！後來識到我嘅芭蕾舞偶像藤岡綾子，佢了解過我情況之後，幫我將芭蕾以鍛鍊平衡同肌肉為主重新練起，我話俾Ming Sir知，Ming Sir當刻已經話係非常好嘅決定，俾我好大支持，仲叫我慢慢嚟唔好心急。」
城市當代舞蹈團 (左起) 副藝術總監黃狄文、劉兆銘、「
Winnie表示年多前被物理治療師判斷左下盤部份肌肉及神經組織因長期疼痛經已出現萎縮情況，現在重新再跳，每次的拉筋與平衡鍛鍊都是疼痛的挑戰，但Ming Sir在台上的致辭給予她很大的力量：「雖然宜家身體狀況同以前根本已經無得比，但如Ming Sir所說，必須努力過才會知結果，物理治療同樣也是痛，但與跳芭蕾相比，跳舞的痛是幸福開心的。當日我能推翻醫生的診斷從輪椅中站起來，或者今次都會有另一個奇蹟哩！」
