[K韓公社]那些年我遇過的韓星—–BTS防彈少年團篇
最近以”WINS”既後續曲回歸既BTS防彈少年團,佢地既新歌唔知ARMY們你地又聽左未呢?黎緊佢地個CONCERT又會巡到黎香港!準備好撲飛未呀?
第一次見佢地個時,係佢地首次黎香港開演唱會做專訪!佢地比我既印象就係超玩得,好健談又搞笑!跳舞既實力就更加唔使講啦!真係估唔到會有機會採訪佢地。個時我同個韓籍同事都中哂佢地首”DOPE”既毒,日日都係到唱!所以當我諗問題既時候都有小小私心想佢地示範下呢首歌比大家睇!
一去到酒店既MEETING ROOM入緊去既時間,見到其實佢地都做左好多個訪問,亦聽到佢地真係飯都未食好肚餓,真係陰功豬豬!佢地一見到我地入黎,就即刻齊聲打招呼,收起疲態,十分專業!係我個同事SET緊機既同時,就順道講多一次我地既採訪內容比佢地聽,而佢地都好專心咁聽之餘仲好多回應添!簡介完之後,想佢地可以再更放鬆心情咁做我個訪問,就問佢地:「你地而家係咪好肚餓!?」佢地7個都比左十萬個認同既眼神我,再大叫:「係呀!勁肚餓!」,我都深表同情就話:「放心!我呢個訪問唔會好長!加油做埋佢,就可以去食飯架啦!因為我地都未食呀!」,佢地都齊齊拍手加油叫好!氣氛真係唔同哂!
而係專訪過程中,我自己將佢地分左兩派「文靜派」同「起哄派」,當一啲正經同深度既問題,佢地都會好自然比隊長Rap Mon答,而Sugar都會幫忙補允同協調,而到一啲比較玩同放鬆既問題,J-HOPE、V就一定會幫手起哄炒熱氣氛!而其他既成員JIN、JIMIN同柾國就會係負責服從指令,場面都幾好笑!我問到佢地有無準備中文歌,正當隊長想話無既時候…柾國即刻比其他成員「隊」左出黎,即場唱左兩嘴比我地聽,Rap Mon都保唔到佢!XD而我同韓籍同事最期待既示範教學題終於都到啦!而其實我並無指定佢地要示範邊一首歌既舞蹈,但正常都會覺得佢地會宣傳當時既主打歌”DOPE”,但佢地原本係想….
我:「可唔可以教一下你地是但一首歌既舞蹈比我地睇呢?^_^」
BTS:「舞呀…舞…舞呀…」係咁不停推緊成員出黎XD
S:「跳I NEED U呀~」個時我同韓籍同時即刻對望,雖然都好正,但我地想要DOPE…個感覺會HIGH啲T^T
而佢地係咁討論期間,唔知係咪都睇到我地既反應,好快就聽到…
S:「跳DOPE喇^0^~」
而被起哄推左出黎既J-HOPE同JINMIN都邊「自HIGH」邊附和,我地即刻開心到變左咁既樣>0<!而我地都諗住佢地既舞蹈機器柾國都會出埋黎,但反而佢扮哂無野咁繼續坐,但比V發現左就問佢…
V:「柾國C~你都出黎跳啦~做咩唔跳既?」
柾:「唔啦~~我…佢地..」
因為講得太細聲,唔係咁聽到,因為其他人起哄中~但V就明哂無再逼佢,唔知係咪因為覺得兩位哥哥咁興奮地出左黎跳,都唔使佢啦~XD
而J-HOPE佢真係好好玩同好活躍,示範舞蹈由佢做主導,JINMIN就扮演我地觀眾發問既角色。佢地教教下,變左教健康舞咁,我同同事都一齊跟住佢地跳!Sugar同V都忍唔住加入左!佢地真係好易被感染!
成個過程同氣氛真係好歡樂,都唔覺得係做緊訪問,似係拍緊綜藝節目咁玩!完結時佢地都好有禮貌咁同我地講辛苦哂,仲叫我地都快啲食飯!齊齊都開心歡呼地散場!希望第時再有機會專訪佢地啦~
圖下: 第一次香港演唱會
圖下: 係舞台睇到佢地既感覺,真係好唔同!(JIMIN)
圖下: 係舞台邊睇真係好震撼既感覺 (柾國)
圖下: 好文靜既JIN,不論訪問定唱歌都咁斯文
