[K韓公社] 那些年我遇過的韓星—–Super Junior D&E

如果有睇我之前既文,都大概知道我講緊既係同一個頒獎禮架喇~所以我都唔再多講!而呢次既主角SJ D&E真係好鬼可愛同活潑好動TIM~唔單止佢地,連成個團隊都係!

佢地當日既航班十分準時就到左,而當時我同佢地早一日到左既經理人就出去接佢地,當時經理人姐姐話佢地成班好陰公豬豬咁罰企,係禁區入面等緊我地,仲要係毫無怨言!個時即刻有種細個等阿媽接放學既感覺…

我望一望車入面,我地都係擁有「哈比人」既傲人身高…我地就一齊係車到傾作戰方案,點樣帶住佢地衝出人潮!!而我地照計劃行事,姐姐衝入去帶佢地出黎,我同幫忙既義工妹妹一人一邊夾住。終於,佢地出黎啦!我地都瞬間去左外太空個地底,而SJ既人氣我地真係好深刻地親身感受到…..

一手護住東海諗住將佢交比妹妹帶佢上車,但原來妹妹已陣亡左,暫時去左邊緣位置,而銀赫係後佢幾步出黎,個刻完全真空狀態!粉絲們係真正零距離!呢個時候東海話要同粉絲影大合照,好彩GROUP反埋一齊易處理啲!但佢地真係好錫好錫粉絲,係感覺到佢地特登慢慢行同粉絲去交流,而係呢個時間,我都第一次比人踩爆左腳趾同左右兩邊面都食左好多部「唉鳳」,印上好美麗既長方形圖案^_^

好不容易上左車,先送佢地走先,我同佢地既DANCER一架車,我一上到車,就聽到充滿可愛同少男氣息超陽光既「안녕하세요!!」再望上去,佢地花樣一般既美男們,大佬唔知真係以為拍緊韓劇!乜連DANCER都咁靚仔!!我再望望自己個身世,我即刻想落反車!途中佢地不停吹水,我就問佢地食左LUNCH未咁啦,可能個時我發音唔正,變左「你係咪痴線架?」,佢地個下靜哂,係咁問我講咩,但我個樣仲係無辜樣@_@,好快就有人知我係問咩,幫我糾正反,佢地都笑到不能自拔!仲要撒住嬌係咁叫肚餓!我姐姐花花mode立刻全開!

到酒店一齊搭lift期間,因為睇時間同信息而開左個mon,個screen係某韓星,而我都提過我地既傲人身高,而佢地個個都180以上人士,其中一位DANCER見到就問在下…
D:「你鍾意佢?」
我:「??」
D: (指了指在下電話)
我: 「(心虛狀)其實呢…^_^」
D: 「(大叫狀)原來佢鍾意阿邊個呀!!」
全lift連D&E:「邊個?邊個?」
我:「=__=”…」
全村人望左我一眼之後就唔再同我講野,有無人可以話我知呢個係咩情況….

離SHOW前佢地有啲自由時間,就係酒店四圍行下,突然佢地輸睹東海個汽水罐掉唔掉到3分波,結果係唔中,成班又笑佢,正當想幫佢掉回垃圾桶到,佢即刻跑去執反起,個下完全知道佢地都係真心對待身邊人既藝人,當大家朋友咁相處,無所謂既架子!到係後台佢地仲係到玩「紙巾大戰」,對住佢地真係無咩壓力同唔開心,反而係佢地既正能量感染反你,其實我都要多謝佢地帶比我難忘既一日!
圖上: SJ D&E既「謝禮」