馬嘉均同鄧曉霖、張殷慈拍「為食情報局」 有得睇冇得食

馬嘉均日前拍攝有線高清娛樂台「為食情報局」節目，與主持鄧曉霖Rosina及張殷慈Daisy試玩萬聖節鬼屋。首次擔任飲食節目嘉賓的馬仔坦言，原來工作不止「飲飲食食」，有時還要眼看手勿動，難怪主持都可以保持身材纖瘦：「我以為飲食節目係可以飲飲食食架嘛！點知原來大把鏡頭要補拍，拍晒又趕下個景點，真係有得睇冇得食！」

拍攝期間，馬仔更串通工作人員整古鄧曉霖，嚇得對方花容失色。馬嘉均笑言自己是鬼屋常”客”，早已預知「驚嚇位」出現：「我真係「嚇大」，所以都唔會驚，對鬼屋就興趣不大喇！不過年年我都會去兩次主題樂園，第一次就係探路，摸熟個驚嚇位係邊，第二次就約心儀女仔一齊玩，好老土咁保護佢，加埋扮鬼扮馬，開支都幾「甘」下！」。

節目期間要馬仔品嚐「馬桶牛尾湯」，反令他覺得嘔心：「去酒吧飲醉左就攬住個馬桶，依家要飲我覺得好難接受，反而「粉刷形蛋糕」就可愛得多，仲勾起中學個陣回憶添！」