黃建東拍《巨輪II》首次有感情線 同劉思希做歡喜冤家

前港男黃建東 (東東) 繼《為食神探》激咀楊明而令觀眾留下深刻印象後，最近亦於《巨輪II》飾演廣告公司老闆，仲特地染了一頭啡金髪潮人look一改形象：「今次係第一次拍劇有感情線，同劉思希(Lisa)做歡喜冤家。
開頭會鬥嘴嘈交，仲要鬧佢係 bitch同埋俾佢潑咖啡搞到濕晒，但之後我在戲中大病一場後會發現原來大家都很緊張對方，開始互生情愫。」

東東同Lisa都係 2011年參加選美比賽入行同埋做娛樂新聞台出身，二人曾於《忠奸人》合作過。東東坦言很喜歡演出感情豐富細膩的角色，希望下次拍劇可以再有感情缐。
另外東東亦兼任《巨輪II》幕後花絮小記者，跟隨劇組到澳門採訪：「因為兼任埋小記者同劇組緊密接觸，可以不停向前輩偷師學習。自己很喜歡田蕊妮的演技，常被她的內心戲搞喊。希望自己的演技可以盡快進步，可以深入內在些而不只是流於表面。」
東東特別感謝監製王心慰由《忠奸人》做郭晉安衰細佬開始一直給予很多機會嘗試不同角色的挑戰，最近拍攝新劇《迷》一人分飾兩角做孖生兄弟亦是一個突破。