鄒凱光TALK SHOW《男性的弱點》隆重登場

三叔公園與Toilet Ideas聯合主辦「鄒凱光 TALK SHOW《男性的弱點》」，於昨晚開始一連兩場 (3月22日至23日) 假旺角麥花臣場館盛大舉行！鄒凱光 (灘叔) 因緣際遇下「三叔公園」可以再Re-U 合體開拓YouTube Channel，從而有機會舉辦今次時隔12年再度挑戰獨腳戲的TALK SHOW，以獨特的男性視角，帶來一場既讓港女開竅、又讓港男尖叫的精彩演出。灘叔一貫的「口賤」風格中，隱藏著溫柔與幽默，引發觀眾共鳴與反思。

今晚灘叔的父母、加拿大的舅父舅母、五姨及表妹都有到場支持，而好友余迪偉、楊詩敏（蝦頭）、陳漢娜、余德丞、張馳豪、專家Dickson及東方昇等亦有捧場。節目以賽馬為開場，灘叔借用「馬主夢」引入話題，表達男性在追求地位與身份認同中的掙扎，當他說到自己終於成為馬主時，笑稱：「今晚我終於可以喺朋友面前講，我係『滾水』嘅主人！」灘叔與AI的互動中，當AI告訴他男性的弱點是自大、自卑及「唔夠耐」時，灘叔不屑回答：「你AI嚟㗎咋，你知幾多嘢，時間係唔可以反映實際表現嘅！」之後AI又嘲男性的弱點「幼」，灘叔竟對號入座，反駁稱：「我幼？大家攞出嚟比比吖，睇吓邊個幼吖！」引得觀眾發笑。

隨後，灘叔介紹了好友Steven，他形容自己所有「衰嘢」都是從對方身上學，又分享他對「夜總會」的獨特見解，強調這是男性學習人際交往與生活智慧的地方，他打趣道：「我高中時每週去夜總會八次，學到最多嘅就係點樣喺點歌時保持風度！」灘叔強調了「title」的重要性，呼籲男性在追求身份的過程中保有真實自我，他說：「男人如果冇『title』，就好似女人下面冇X毛！」全場大笑。

入行初做編劇的灘叔終於有「title」，不過在片場喝水的杯上，幾乎寫錯他的名字，要親手寫上自己大名，他稱：「你一唔親手寫就『領』嘢，出現咗好多我嘅變種，好似『編劇man chan』，編劇阿『咩周』，而中文就有『編劇雛凱光』，我最鍾意嘅係『騙劇周海江』，五個字有四個字都係錯。」談到「好色一代男」，灘叔稱有智慧的男人，從來都不會逆女人意，他表示：「女人order話咩就咩，男人咪自作聰明，跟女人Order做啦！佢話要食韓燒，你唔好話熱氣！佢話要食刺身，你唔好話生冷！佢話鍾意姜B，你……唔好講嘢！女人開心，世界就會和平。」

灘叔重提人生第一個個人TALK SHOW《齋呵唔鬧》，台上響起主題曲《阿叔今年四十歲》，他指當年這個騷反應很好，大家想起灘叔便會心微笑，同時準備好繼續做棟篤笑，惟此時他的「初戀」電影又再找他，於是他心軟，又重投電影懷抱，灘叔表示：「咁我拍電影嘅成績可以話有目共睹，然後我就開始沉；我個世界開始沉靜，冇人搵我，有一把不停怪責自己嘅聲音『明明新一頁開得好地地，點解又要死返去以前果度』、『你抵X死㗎！仲有排你受』。」
灘叔更於台上率先預告，三叔現正籌備年底與其他藝人單位合作的西九騷，繼續為觀眾帶來歡樂，與大家一同擁抱生活中的每一刻。灘叔以感人的結尾帶出人生哲理，提醒觀眾一切困難終將過去，珍惜當下。完騷前，灘叔唱出新歌《阿叔今年八十歲》，全場拍手伴隨，唱至中途他搞笑謂：「仲有幾十秒就忍完，等一陣。」唱畢後有不少觀眾大叫encore。
事後灘叔大談相隔12年再開個人騷感受，他表示：「因為呢個騷加咗好多個人嘢，初時都擔心觀眾會有乜反應，但見佢哋好好反應，又拍晒手，應該笑嘅都笑晒，令我好感動、好滿足 。」灘叔又指這個騷有些感觸位，講述他人生的高高低低，故在台上一時感觸哽咽。