姚焯菲、林智樂、小肥、One Up任首兩場表演嘉賓 | 第二季《電笠：人人和音 SCHOOL TOUR》正式啟動

2025-03-21 浩楠

文化藝術生活平台電笠以「聆聽當代聲音」作主題舉辦「人人和音 SCHOOL TOUR」聲音企劃，於不同學校內設置實體電話亭，並邀不同歌手及名人錄製聲音片段，讓同學們可透過電話筒旁聽到他們的生活點滴及鼓勵說話，又邀請同學們透過電話留言彼此連結，實行「停一停，聽一聽，講一講」的理念。

首季《電笠：人人和音 SCHOOL TOUR》在去年年尾已走進多間校園，擺設實體電話亭，讓學生們留言分享心聲之餘，同時亦邀得多個音樂單位及專業代表親臨校社，近距離為同學們打氣。

而今年三月，第二季《電笠：人人和音 SCHOOL TOUR》正式起動！今次以「自我推動術」為主題，集結共27個音樂單位及13位香港傑出運動員，一同走訪全港13間中學，與同學們分享突破壓力與阻礙的心法，讓每個人成就無限可能。首兩場演出已圓滿舉行，分別是姚焯菲（Chantel）、林智樂（Felix）聯同香港籃球運動員梁兆華到培僑書院；小肥、男子組合OneUp聯同香港網球員黃俊鏗到李求恩紀念中學，為同學們提供減壓心法。

Chantel與Felix分別為同學們獻唱，又到台下合照、握手，Chantel更向同學派心心，場面溫馨又熱鬧。她被同學們問到如何兼顧學業與歌唱事業？Chantel說：「我會搭車、等埋位嗰陣就攞書出嚟睇，化妝嗰陣就做功課，就算好少時間都會盡量利用。」並提到「在讀書的時候，會經常擔心自己做得不夠好，好驚未能全力以赴便已經錯過中學階段。」她說：「會比較徬徨啲，覺得『我時間冇多啦』，我都會好驚。但係我成日會提醒自己，要 Step by Step！因為當你堆埋啲嘢响一齊，就梗係未做得夠好啦，Step by Step其實會俾到更多滿足感自己，即係你完成咗一步啦，可以去下一步。」

林智樂認為有朋友互相支持很重要，但最重要還是自己幫自己：「呢個係最快嘅方法，每樣嘢都有好多唔同角度嘅，最緊要係你點睇，教返個啱自己嘅節奏同步伐就OK。唔好嫌自己慢，行嗰陣係會有好多荊棘，但係按住自己心入面所想去選擇就OK㗎啦。」而同場的香港籃球運動員梁兆華，指在壓力大的時候會嘗試抽離：「唔如意嘅時候抽離吓自己，去運動、睇書、聽歌，盡量唔好將自己不斷困喺嗰個困境入面。」

而另一日在李求恩紀念中學的小肥甫現身即獲同學們的熱烈歡呼，獻唱時又齊齊打拍子，與師生們打成一片。在歌唱事業上經歷過高低潮的他，坦言稱學習是永無止境的：「直到你遇到個契機，就知道當初去裝備自己係冇嘥時間嘅。」小肥謂勇於嘗試並非為了成果，而是為了自己：「你更愛自己，成果自然就會嚟。」OneUp獻唱期間亦與台下學生們互動，又以自己的經歷為例子，認為自我質疑是每個人都會經歷的階段，笑言這並非壞事，反而是進步的動力：「睇到自己有咩不足就去改進，有咩你想試就去試，因為唔試永遠唔知道個結果會點。好似我哋參加完比賽（《全民造星V》）落敗咗，但係都有機會出道，所有嘢都唔知㗎。但係要多謝當時嘅自己做咗呢個決定，先可以有今日。」