HipPop天皇Novel Fergus熱爆《The Singleton Just Sing Live in Wonderland》舞台 LMF自嘲「大叔」全場和唱 嘻哈巨星JB喜獲海外親友撐場

繼第一晚《The Singleton Just Sing Live in Wonderland》順利完成後，第二晚由Hip-Pop曲風壓軸出場 ，殿堂組合LMF成員Kit、 Phat和 Wah亮相時全場氣氛高漲，成員Kit台上自嘲「呢三個亞叔都仲OK啊嘛？」，台下樂迷非常投入一齊和唱！

而嘻哈巨星JB亦深受觀眾歡迎，除了獻唱新歌外，更邀台下女歌迷一同上台表演，台下Fans隨即大叫「識揀」附和，令大家情緒更熱烈：「其實台下觀眾都好投入，佢地比翻好多力量我，今晚我啲家人嚟咗香港，佢地係第一次睇我表演，雖然佢地聽唔明我唱咩，不過點都會覺得我型！」

而HipPop天皇Novel Fergus現身時全場哄動，笑言未計劃開戶外個唱：「因為戶外太多因素要照顧，但今日天氣好、音響好，所以台上台下都好好氣氛！平時上台前都唔敢飲酒，因為表演要正經啲，但演出後就可以放鬆飲幾杯，不過我酒量其實唔叻，成日飲醉都會瞓著，臨走就會比人叫醒夾錢『賣單』。」