ROVER 成軍一周年 與120位樂迷燒烤同歡 Fans自製周年旗「你的雷達陪您一路老化」

新生代樂隊ROVER為慶祝成軍一周年，日前與120 Radar（ROVER粉絲暱稱）舉辦BBQ慶祝聚會，與120 Radar近距離互動聊天、玩遊戲回饋一眾Radar的支持，現場氣氛熱烈溫馨，ROVER感性多謝大家外 ，也分享過去一年成長感受。

ROVER成員包括卓金樂(Kim)、雷濠權(Jason)、陳鎮亨(亨仔)及王希晉(希晉），四人由追夢的《造星》舞台走到叱咤大舞台，獲得了《2024年度叱咤樂壇流行榜頒獎禮》「生力軍組合銀獎」，轉眼成軍一年，ROVER特意舉辦fans聚會，感謝他們不離不棄力撐四人，並分享了入行一年感受：亨仔先說：「希望作多啲歌俾大家聽，希望越來越多大家鍾意嘅作品，同大家繼續撐我哋。」希晉 則道：「過去一年對我哋四個嚟講都唔容易，音樂多謝在座嘅每一位， 相信過咗新年（新人獎後）條路係更加難行，希望大家初心不變，用真摯嘅心去同每一位fans傾偈、表達，繼續陪我哋一路漫遊。」

至於在澳門長大、讀書的Jason，因為ROVER，因為追夢，近期已搬到香港居住，對Jason來說感受亦特別深：「老實講係有啲唔適應，轉變咗嘅生活同環境，但係能夠比我堅持落去，就係在座嘅每位，你哋去share我哋嘅作品，令到我哋覺得我哋嘅作品有人認同，我哋會繼續用感恩去做多啲唔同嘅音樂。」而Kim便坦言沒有想到有今天，說：「一年前嘅自己冇諗過會去到呢一步，好多謝Fans支持，希望你哋可以話到俾人聽支持ROVER係一個驕傲嘅事

活動中， Radar不僅為ROVER準備週年蛋糕，更為前日（3/3）生日的Kim同今日（5/3）生日的亨仔順道慶祝，更送上以四子黑圖製作「Rover週年紀念旗」，上面寫有「陪同我勇闖瘋巔宇宙，秒速一周年出道快樂，你的雷達陪您一路老化」，令ROVER哭笑不得，承諾會掛在band房，最後Kim透露他們剛在台灣回來，以為3月12日推出今年第一首主打歌拍攝MV。