黃淑蔓為今年第一首派台新歌《留在你在我在的腦海》舉行Music Live 出道十周年盼開個唱

「寰亞孻女」黃淑蔓（Feanna）為今年第一首派台新歌《留在你在我在的腦海》，在尖沙咀The ONE舉行Music Live，半百fans捧場，非常熱鬧。新歌MV推出後反應很好，電影感十足的劇情令人看到不一樣的她，不過Feanna呷醋，笑說：「收到最多留言係『男主角好靚仔』，有少少嬲，我都係女主角，點解無人讚我架？」

「大家睇完新歌MV後都同我講，好唔似我。MV好多戲要演，我盡量投入角色，同平時大家喺活動、台上唱歌嘅形象好唔同，我自己好鍾意。」今次MV電影感好重，很多情節，Feanna說：「我好期待未來嘅音樂作品，或者影視作品，都多啲演戲發揮。今年出道10周年，希望有一個自己嘅音樂會作為紀念，同埋推出更多好作品，答謝大家支持。」

除了首次演唱新歌，Feanna還選唱《光引致疼痛》和《I am All Alone》等多首風格很配搭的歌曲，音樂會壓軸與十幾位KK box校園大使合唱她的出道作品《差一點我們會飛》，她表示好感觸，尤其是與一班年輕人合唱，感覺很青春和感動。

「今次專登圍繞新歌《留在你在我在的腦海》意境去選歌單，例如《光引致疼痛》其實好難唱，所以我好少揀嚟表演，但今日好啱氣氛，所以挑戰一吓自己。」實力非凡的Feanna順利演出，連自己都好滿意。她坦言開騷前非常緊張，幸好一開唱就很快投入氣氛，忘了緊張，而且沉醉喺音樂之中，好好享受表演。她亦選唱了BLACKPINK成員Rosé的英文歌《Number One Girl》，她說：「今次拍攝新歌MV時，導演Sheng經常播呢首歌作為背景音樂，幫我入戲，所以特別選唱呢首歌，希望我都可以成為大家嘅No.1 Girl。」