造星V Philip陳彥熹呼籲大家踴躍捐血 阿儀﹑黄榕第一次捐血難免會緊張

捐1次血可以救3個人！為一起宣傳愛的捐血，多一份支持，多一份幸福，《築子林慈善基金會 》總幹事張睿真女士、兒童及青少年發展委員會主席陳國宙先生、曾榮輝議員、許有為議員、聯同歌手陳彥熹 (Philip )、阿儀 (薛影儀)、黄榕以及ToTo（湯沛宜） ，(14日) 到香港紅十字會觀塘捐血站出席「共築幸福行動捐血日」活動，呼籲市民齊齊捐血，在情人節當天讓病人感受到絲絲嘅溫暖愛意，讓我們一起將愛心傳遞！


在呢個充滿愛嘅 #情人節，藝人們一齊去捐血，將大家嘅愛意分享比更多嘅人，捐一次血，救三個人，阿儀﹑黄榕：「雖然我哋第一次捐血難免會緊張擔心，但好彩身邊有歌手藝人朋友相伴壯膽，令我哋有雙倍勇氣去踏出第一步！一齊做好事嘅精神，相當有意義。」

陳彥熹 (Philip ) 話：「因為知喺冬季流感高峰期，血液需求仍然高企。所以一知道呢個活動我就即刻報名黎支持，為穩定血液供應出一分力。」

ToTo：「係情人節捐血特別有意義，大家除了情人節行街睇戲食飯，都可以約埋你愛嘅人一齊去捐血，將你哋嘅愛分享比更多嘅人。」