Tyson Yoshi型爆登場 探索玩味打卡位 太古城中心「Streets of Christmas Joy」

街頭藝術文化近年於本地冒起，今個聖誕太古城中心於2024年11月16日至翌年年1月1日期間為大家送上「Streets of Christmas Joy」主題活動，將商場二樓中庭及中橋打造成玩味十足的聖誕潮酷街頭文化派對，包括震撼感爆燈的8米高炫彩波波聖誕樹、多個以聖誕角色打造的塗鴉大街、型格十足的復古街頭跑車，以及至COOL的籃球X滑板場！更設3大街頭文化主題互動遊樂區，分別以狂熱街舞、節拍打碟及塗鴉創作，即場競鬥比併一番，盡情展現超凡實力，成為街頭藝術達人！

太古城中心特別邀請破格大膽的獨立歌手Tyson Yoshi，為「Streets of Christmas Joy」主題活動擔任街頭達人，於現場大擺有型甫士影相打卡之餘，又率先挑戰街頭文化主題遊戲，傳送聖誕快樂能量，讓大家齊齊於太古城中心「LIVE HAPPY 快樂識放」!

近年人氣爆燈的新生代歌手Tyson向來以破格大膽、我行我素的形象示人，亦十分崇尚街頭藝術文化！今次商場亦巧妙地打造聖誕潮酷街頭文化派對，讓Tyson一到達會場即被玩味十足的塗鴉主題藝術打卡裝置深深吸引，馬上擺定帥氣姿勢企定定讓粉絲拍照，更即場發揮創意小宇宙，挑戰塗鴉創作遊戲！Tyson指：「以前我喺英國讀書嗰陣，都成日見到好多塗鴉，外國嘅塗鴉更加係一種好特別嘅文化，所以我自己都好鐘意呢種vibe！啱啱喺澳洲做完兩站演唱會，都見到好多街頭塗鴉，我會行埋去睇吓、影張相，平時去唔同地方都鍾意影低啲街頭塗鴉。我都有諗過想試吓畫塗鴉，但係要搵咁大幅牆有啲難度。」問到Tyson最難忘的聖誕節，他說：「以前喺英國，喺火爐前面過聖誕，好有feel，今次嚟到太古城中心都覺得好有氣氛，周圍都有好多大膽創新嘅打卡位。」

Tyson自出道後，有不少歌曲都是由他本人一手包辦創作，更融合了不同曲風，為香港樂壇帶來一番新氣象！是次活動特別設置「DJ競技擂台」，邀請到Tyson即席挑戰音感遊戲，在強勁音樂節拍下仍然顯得輕鬆，成功挑戰最高難度的關卡，音樂才子絕非浪得虛名！節奏感和反應度都十分敏捷，玩遊戲時更能保持型仔樣，成功迷到現場一眾粉絲！

身為跑車愛好者的Tyson，不時被捕獲駕著保時捷跑車出巡，今天太古城中心亦設置了充滿街頭風的懷舊時速跑車打卡裝置，Tyson頓時兩眼發光化身小車迷，並直呼跑車還原度極高十分仿真，有如置身電影場景！被問到聖誕節有甚麼計劃，Tyson回應：「暫時都有工作安排，不過仍希望可以抽時間見粉絲、家人及朋友。」Tyson也呼籲現場觀眾趁聖誕節一同前往太古城感受獨特的街頭文化氛圍。

活動後，Tyson受訪時透露今日是特別回港出席活動，明天將再到澳洲：「啱啱就做完兩場騷，呢次再去就係參加朋友婚禮，當係取吓經，呢次再去就純粹放假，可以周圍玩吓。」提到他與未婚妻的婚禮，Tyson表示正在籌備當中，笑言想低調點：「我自己就唔想請太多人，最好唔請啦，不過而家都應該超過100人。」他透露明年將在香港舉行演唱會，詳情稍後公佈。