海俊傑演新爺被讚好戲 將回流返香港

海俊傑在《巾幗梟雄之懸崖》飾演胡定欣大哥新爺，在劇中衰到貼地，最後更加走投無路。很多觀眾在宣傳時見到Gabriel ，都讚佢做得好好，仲鬧佢係衰人，完全唔幫阿妹打理銀行生意。Gabriel 感激觀眾支持，他表示這角色完全反映到現實，因為人有時真係要衰到去谷底，先知道出事，Gabriel 話希望引用呢個角色，令現今嘅年青人或者生意人，做任何事千祈唔好貪心，更加唔可以貪圖女色，到最後只會令到你哋後悔莫及，做事要努力奮鬥先至會成功。

Gabriel 更大爆在拍攝期間發生了一件趣事，Gabriel 為求入戲，就算在鏡頭後都叫胡定欣做「阿妹」，但竟然有次拍攝中衝口而出叫定欣做「家姐」，即時全場爆笑，幸好定欣非常玩得，Gabriel 立即請食飯補數。Gabriel表示相信係七爺的氣場太勁，就算係大哥都被阿妹的氣場震懾。

在台慶當日忙於內地工作的Gabriel ，都有在電視機前面收睇，Gabriel更宣佈將回流香港參與更多劇集，期待與更多監製導演及演員朋友合作，為TVB拍攝更多劇集。