傅淖鈴Gaga 要問倪辰Lala 攞賽馬預測 原來係超級馬迷做足功課

日前11月3日一年一度的莎莎婦女銀袋賽馬日，傅淖鈴Gaga諗住去捧下場，去到馬會投注站遇到倪辰Lala做主持，旁邊既粉絲話倪辰好厲害，中左6場獨贏win ，立刻向Lala取經，跟住問Lala佢話今日自己係lucky star，貼既馬都中，大家非常開心。

Lala 說：「我本身自己都鍾意睇馬，所以興趣於娛樂特別開心起勁。每次跑馬之前我都會睇每一隻馬嘅往績，同埋佢哋跑賽事嘅方式，例如贏係點樣贏，輸係點樣輸，因為能力狀態場地同對手全部都係環環相扣，從而去分析嗰一場馬佢嘅對手會點樣跑，再加上臨場行沙圈嘅表情神態，再篩選得出大概嘅貼士。一句講晒，即係要俾心機做功課哈哈。」

問到Lala除咗賽馬會主持之外仲有咩新動向，Lala 說：「最近主要都係做主持嘅工作居多，因為除咗音樂之外，都想嘗試吓啲新嘅方向，發現自己喺主持方面都好有興趣，嘗試更專注喺呢方面發展。除此之外，最近多咗同粉絲嘅活動及聚會，不過音樂方面，就要再等等。」