曹敏寶下月推出新曲 《未結束的故事》｜徐浩和曾樂彤聯手打造 只有前進才能看見不一樣的風景

曹敏寶日前拍攝全新歌曲《未結束的故事》MV，今次新歌邀得徐浩和曾樂彤聯手打造。「第一次見到徐浩大哥時真的很感動，因為我真的很喜歡他的作品。在錄音過程中真係學到好多嘢。佢教我點樣先係唱得「新潮」，好搞笑。好開心樂彤和他細心聆聽我的故事，製作了這首作品，我認為係一首好浪漫嘅勵志歌，好多謝製作班底嘅神編曲。

敏寶又謂今次拍MV，拍攝團隊多達10幾人，一齊曬足全日，佢地非常認真，由搵場地到歌曲概念全部都非常仔細安排，今次監製係相識多年既張子丰，我非常信任他。「今次單曲真係一腳踢，但係有好多好專業嘅朋友支援，大家努力想做好令我團火唔敢熄，加上我真係好想用呢首作品，鼓勵任何3歲至80歲，跌低咗嘅朋友，遇到難關，只有一個人唔可以放棄，就係你自己。」

新歌發佈會將於11月中舉行，曹敏寶謂會邀好友一齊演出，至於嘉賓方面她就話都係與她風與同路的好兄弟，希望到時樂迷到現場多多支持她用心製作的全新單曲。