新晉歌手林芊瑩接受新城《梨事會》主持葉文輝訪問 對娛樂圈充滿好奇 自爆童年五音不全兼「鵝公喉」

歌手林芊瑩（Irene）到新城廣播接受葉文輝（啤梨）主持的《梨事會》錄音訪問，宣傳第三首派台歌《請不要說對不起》。今年才出道的Irene，直言對娛樂圈所有人、事、物都相當好奇，「我就好似一個中一的插班生，面對好多挑戰，但我真係唔係好驚。」

Irene解釋性格關係，她對身邊相處的人都像朋友，既沒有包袱，也不會去包裝自己，寧願做最真的自己。不過原來Irene小時候不但五音不全，還有「鵝公喉」，「我連講嘢都唔識講，把聲狀態超差，不過依家24歲可以實現做歌手夢想，所以我要衝呀！」

身形嬌滴滴的Irene，原來熱愛做Gym操fit身形，她笑言因為自己太喜歡吃東西，所以要多做運動，「我可以廿四小時不停都食嘢，但唔係食到好飽，係小食多餐，所以一星期都會做3、4次運動，令到自己身形唔好太肥。」

提到新歌《請不要說對不起》，Irene指新歌講述對一段關係感到失望，大家都很無奈，又不懂怎去處理，所以決定分手。Irene直言「我上一段感情因為咁而有共識哋分手，唱嘅時候都有啲眼濕濕。」