新女團UNi 自資出道 發佈新歌《NOW》哎吔師姐關嘉敏、鄺星宇力出席支持

日前，新晉女團UNi 四位成員(Yammi 彤彤，SZECHING思澄，Silver，Seeing) 第一次出席公開活動，發佈新歌《NOW》。當日得到藝人歌手朋友Carman關嘉敏，Alex鄺星宇及前輩陳欣健先生等出席支持。問到幾位成員心情時，大家都話：又緊張，又興奮，終於可以行到黎呢個舞台，平時見其他歌手喺商場表演，都有幻想過自己喺舞台上，而今次可以有機會喺呢度做發佈會，好多謝發行公司老闆培哥，介紹唔同既製作公司俾我地識，亦超級開心呢個商場可以贊助場地比UNi， 我哋四位知道後都好感動。

而籌備呢個活動雖然好短時間，但我哋四個都參與咗好多，例如佈景設計圖，送比粉絲既手幅，同埋送比嘉賓，有我地樣既流聲機，都係我地自己一手一腳整。同埋好感謝製作公司知道我地自資後，都比左個好優惠既價錢我地，所以我哋都好感動。當日見到咁多粉絲同路人停底支持我哋。雖然我知道我哋仲有好多嘢不足，但我地會繼續努力，做好自己。

而當日出席既Carman 表示：平時都有留意女團，當知道UNi幾位成員自資，出歌後覺得佢地好勇敢，所以當佢地Inbox 問我可唔可黎既時候，都即刻改錄音期出席，希望畀到少少鼓勵佢哋，另外我亦準備緊新歌，都有少少緊張，因為今次係入行以黎第一次，亦係參與最多既音樂企劃。希望大家留意啲新生代歌手之餘，都會留意埋我嘅音樂啦。而Alex 亦表示透過朋友認識UNi，當佢地問到，我都即刻答應出席。而Alex一直密鑼緊鼓準備推出個人黑膠大碟，喺美國讀Art既alex亦參與大部分碟內既設計。