陳柏宇YouTube Channel全新綜藝節目《陳伯挑你機》 | 保錡、嘉盈、力臻、Michael C、Phoebus、Miko爭奪一萬蚊獎金

2024-10-03 浩楠

陳柏宇（Jason）的 YouTube Channel 繼大受網民歡迎的《廣偉論》系列後，又有新搞作：全新綜藝節目系列：X Wallet 呈獻《陳伯挑你機》之「體能之癲」，昨日（2日）正式上架！節目邀來 YouTube 界及演藝界的9個單位組隊較勁，運用他們的耐力、體力及智力通過五回合的挑戰，每回合的勝出者可以獲得獎金，同時亦設有淘汰機制，只有最後兩強才有資格爭奪「體能之癲」的榮譽及HKD10,000終極獎金。

是次「體能之癲」被挑機的9個單位，分別有保錡、嘉盈、泰妹、510 & Stone、力臻、Michael C、吳啟洋（Phoebus) 及大馬女神 Miko Wong。Jason 當然有份參與其中，開賽前他說：「歌手間，去到我呢個年紀嘅人，都好少做呢啲咁戇居嘅事，唔係驚輸呀，係驚傷咋！」雖然怕受傷，但是他同樣瞓身演出，與一眾活力十足的年輕選手，放下形象齊齊玩到「癲」。

首回合的熱身賽以個人名義進行，眾人背住2至4公斤沙包做負重平板支撐，撐到最後為之勝出，可以自動成為隊長兼率先揀隊員。肌肉型的 Michael C 因為沙包秒速跌下，成首位被淘汰的選手，他大呼：「（啲沙包）太高啦！」緊接是身型嬌小的嘉盈亦叫「救命」，期間更不斷遊說 Miko 齊齊放棄，但對方堅持「頂住」，嘉盈成第二位被淘汰選手。

雖然 Miko 平日亦有運動習慣，但要負重做平板亦絕不容易，做到全身抖震的她開始出口術，「引誘」身旁的保錡，說：「保錡，你唔係話趕時間咩？不如唔好做啦。」綜藝經驗豐富的保錡即回應：「一齊放棄吖啦！」另一邊的 Stone 亦直言「想收皮」，身旁的 510 不斷為他打氣，反觀 Jason 不時換姿勢，由直手支撐到曲手支撐，以為他勝利在望，惜最後因為沙包掉落被OUT。已經出局的嘉盈，不時出口術擾亂眾人，眾人開始面容扭曲，又不時大叫，爆發僅餘的意志力！

後來，力臻、Stone、保錡及 Miko 等陸續放棄，只餘下 Phoebus 及泰妹奮戰到底，泰妹憑一聲大叫撐到底，爆冷成為首回合勝出者，自動成為隊長。

經其餘8人不記名投票後，Jason 及保錡亦不負眾望分別成為隊長。泰妹率先揀同樣來自 YouTube Channel《試當真》的 510 & Stone 及力臻為隊員，Jason 點名出生入死的好兄弟 Michael C，平日玩綜藝最落力的嘉盈竟被嫌棄，Jason 直言：「我無理由揀你啦，我揀Miko！」而保錡揀了 Phoebus 及「棄將」嘉盈。