溫碧霞飛西班牙拍寫真集 趕返港慶祝結婚24周年紀念

溫碧霞（Irene）上周飛往美國，與電影製作人洽談新片計劃，隨後又馬不停蹄地飛往西班牙，拍攝她的最新寫真集《Life Style》。Irene身穿多套華麗長裙，穿梭於兩地的名勝之中，毫不吝惜大曬纖腰和白滑玉背，包括一輯黑白「床照」，露出修長美腿，相當美艷動人，她笑言：「給大家睇著少少先，寫真集相片更多更靚，到時再給大家仔細欣賞。」
此次旅程中，Irene在西班牙逗留了五天，並在其中的三天進行拍攝，她對這次拍攝的作品感到相當滿意，「希望呢本寫真集能夠真實展現我對旅遊嘅熱愛，讓大家了解唔同地方嘅文化背景。呢本寫真係送畀我啲粉絲最好嘅禮物，感謝佢哋咁多年嚟對我嘅支持，無論我身在何處，佢哋總係喺我身邊，所以好多謝佢哋。」

昨天（1日）是Irene和丈夫何祖光的結婚24周年紀念，Irene特意趕回香港與丈夫慶祝，隨後又返回北京工作，「呢個月真係好忙，每次影寫真都係我保持身材嘅好機會，最近我保持喺最fit嘅狀態47公斤，好開心！用嚟迎接我嘅新戲《謊島美人魚》上映，同埋11月嘅演唱會，返嚟會加緊練歌，暫時會喺廣東省開三場演出，之後再到內地其他城市，希望未來能夠有機會喺紅館開演唱會。」

除了拍攝靚相，Irene也懂得享受生活，與攝影團隊一起品嘗當地美食，她興奮大讚歐洲的雪糕相當美味，「我哋每晚都會搵一間靚餐廳食吓嘢，邊影相邊hea，飲吓酒，有時會去cafe飲杯咖啡，啲餐廳同露天茶座都好有味道，西班牙係一個好有藝術文化氣息嘅地方。」