星級代言人薛家燕親臨現場分享下廚樂 德國卡爾牌廚具極鐵系列廚具 會場限定「極」優惠價益Fans

薛家燕日前（9月29日）以星級代言人身份現身深水埗西九龍中心，為德國卡爾牌廚具Carl Schmidt Sohn「極鐵」系列宣傳。德國卡爾牌廚具Carl Schmidt Sohn於1829年於有刀城之稱的德國索林根 Solingen創立，累積195年的廚具製作經驗，結合傳統技術與現代化的設計，為大眾提供高品質及價格親民的產品，照顧用戶的需要。現場更設有「極鐵」系列優惠套裝：極鐵系列中式炒鑊及不銹鋼高身湯鍋連湯隔，首十名顧客將享有低至34折的會場限定「極」優惠價，實行與眾同樂。

家燕姐與德國卡爾牌廚具同樣以親民貼地及高質的形象，成功俘虜不少Fans的心，雙方多年來合作無間。昨日她與好拍檔兼活動司儀安德尊（大王）到場，問到家燕姐的用戶心得，她笑言亦是品牌的超級Fans：「廚房啲用具都係卡爾牌嘅產品，除咗我自己，新抱當然都受惠。煮嘢食最怕就係啲廚具重，好易傷到手㗎，卡爾牌嘅廚具可以單手操作，輕巧方便，好用又耐用。」

「極鐵」系列廚具，以高純鐵材料製成，鐵含量高達99. 6%，比市場上的一般鐵鑊純度更高、雜質更少，煮出來的食物能夠有效的補充人體所需的鐵質，達至越用越健康的效果。「極鐵」的快速傳熱特性，特別適合講求火候的中式爆炒菜式，於短時間內提出食物的香氣及味道，加上耐用、易洗，為大眾提供更輕鬆的自煮體驗。

家燕姐又表示早前主持的綜藝節目《家常便飯爭霸戰》，見識到各參賽者對入廚的用心：「個個都好犀利，做咁咁多集之後，我發現點解會煮得咁好呢？好多時都係為咗屋企人，想佢哋食得開心同健康，睇到我自己都好感動，作為阿媽又做埋嫲嫲，最開心都係一家人坐埋食餐飯，買餸、洗嘢、落鑊唔係話辛苦，但係都唔容易㗎，每個步驟都係為咗最後圍住飯枱嗰刻，所以好用嘅廚具真係好重要。」家燕姐也透露節目反應非常好，可能會添食，詳情仍在討論當中。

家燕姐亦透露孫仔Julian同樣喜歡唱歌跳舞，早前帶他到新加坡等地登台後，Julian完全上了癮，經常問她什麼時候再帶他登台：「佢成日問我幾時再帶佢去唱歌跳舞，雖然而家都係當玩吓，但係如果第時又機會都可以再同佢去，可以帶佢見識多啲，又可以佢玩多啲。」另外提到剛過的中秋節，Julian親手為家燕姐造愛心月餅，家燕姐說：「收到嗰陣梗係心都甜晒啦，又真係整得似模似樣，唔係因為佢係我個孫先咁講㗎，遲啲可以諗吓畀佢同新抱一齊出親子烹飪書，等Julian可以多方面發揮佢嘅興趣。」

平日忙於演藝工作的家燕姐，被問到是否鮮有現身深水埗？她說：「又唔係喎，雖然平時真係好繁忙，想行吓街都冇乜時間，不過有好多慈善活動、基層活動喺呢度，所以我都有嚟㗎，我仲知道深水埗有好多好嘢食。」另外，向來深受馬來西亞觀眾喜愛的家燕姐，在去年推出了兩首賀年歌，分別是與馬來西亞天后Shila合作的《有有有》，以及馬來西亞組合3P合唱的《好運一條龍》，其中《好運一條龍》更累積超過1300萬的點擊率，成績非常驕人！家燕姐希望承著上年的好成績，計劃11月再到當地錄製賀年歌，雖然歌名還仍確定，但家燕姐透露將會繼續跳舞，希望大家多多支持，她說：「上年我哋就造咗《有有有》同《好運一龍》，大家都好鍾意，所以今年再接再勵，繼續送啲開心、喜慶嘅氣氛畀觀眾。我都好鍾意馬來西亞，啲嘢又好食、環境又舒服，今次都算寓工作於娛樂。」

今日活動現場吸引過百粉絲圍觀，不少已支持家燕姐多年。有位粉絲更與家燕姐一樣，額頭有同款「痣」，家燕姐笑言找到了失散多年的妹妹，場面溫馨搞笑；還有粉絲為見家燕姐一眼，千里迢迢從澳洲到場，家燕姐不忘給她送上禮物，感謝她十多年來的支持！除了有星級代言人家燕姐，大會更邀請烹飪專家Candie，示範以PrePro高速煲炮製南乳豬手，瞬間現場香氣四溢。家燕姐又與現場觀眾玩遊戲，大批Fans熱情回應，共渡愉快的周日。