Aska張馳豪全新單曲《宇宙逃生口》 遠赴泰國拍MV借喊戲釋放自己
Aska張馳豪推出全新單曲《宇宙逃生口》,早前更遠赴泰國拍攝MV,原來這是他人生第一次到泰國,雖然一半工作一半遊玩,但他亦樂在其中。被問到為何選擇到泰國取景,他笑言:「最初傾嗰陣公司俾兩個選擇我,一個係愉景灣,一個係泰國,咁梗係揀泰國啦!」他續說︰「其實泰國俾人嘅感覺好無拘無束,亦都好貼合首歌嘅感覺,好似喺高速公路一個人揸緊車拋開煩惱咁。」
Aska今次親自操刀作曲,與朱琳合作填詞,他透露歌曲雖然聽起來輕快放鬆,但原來靈感是來自一段傷痛回憶,他說:「當初係想寫一首對比好大嘅歌,編曲好輕快,但歌詞其實好sad。歌詞係想講,當大家失去一段關係嘅時候好似成個世界崩塌咗,失去咗個依靠企唔到起身咁,但之後發覺幾唔捨得都係需要放手,自己搵返快樂先可以令對方,甚至令段關係快樂。」他續說:「大家可以想像呢首歌係一個人經歷失戀,用工作麻醉自己,將生活填到密密麻麻,然後發現唔可以再鑽牛角尖落去,一個人出走散心嘅感覺。」
Aska今次到泰國拍MV,第一次試盡當地美食,由朝拍到晚換上不同造型,令他最難忘是到外地感覺無拘無束,而且當中喊戲部份都是真眼淚,將真實的情感投入到拍攝餘,亦讓自己得到釋放。