《KATCH OUR LIFE陳蕾 x 洪嘉豪 x 魏浚笙 音樂會》 陳蕾遇老友鬼鬼拍檔 擔心台上唱歌難忍笑
由Katch音樂娛樂平台主辦，Visa 及 港鐵冠名贊助《KATCH OUR LIFE 陳蕾 x 洪嘉豪 x 魏浚笙 音樂會》，將於2024年11月16日假亞洲國際博覽館Arena舉行，這次是陳蕾、洪嘉豪Kaho及魏浚笙Jeffrey首度同台演出，期待度爆燈。有關音樂會詳情如下：
Visa 及 港鐵冠名贊助《KATCH OUR LIFE 陳蕾 x 洪嘉豪 x 魏浚笙 音樂會》
日期：2024年11月16日（星期六）
時間：晚上8時15分
地點：亞洲國際博覽館 Arena
演出單位：陳蕾、洪嘉豪、魏浚笙
【獨家優先換領日期及時間】PayKool Visa Platinum卡 9月8日 早上10時
【公開換領日期及時間】Katch Plus 會員 9月10日早上10時 | Katch 會員 9月11日早上10時
【換領平台】只限Katch網站(https://online-ticketing.katch.com.hk/kol/panther-kaho-jeffrey) *KatchApp將不開放換領
【換領詳情】
以12,500會籍Katch Point(價值HK$1,250)換領 — ZONE A/B門票乙張 (門票位置隨機，已包括HK$70票務手續費)
以9,500會籍Katch Point(價值HK$950)換領 — ZONE C/D 門票乙張 (門票位置隨機，已包括HK$70票務手續費)
【換領數量】每位會員最多換領8張門票
【換領成功後】門票於活動舉辦前大約一星期前，以順豐到付寄到換領時填寫的順豐編號（只限香港順豐站或順豐智能櫃）
今次是陳蕾、Kaho及Jeffrey首度合作，不單只樂迷很期待這個組合同台演出，三位主角同樣興奮，而且更各自以一個形容詞形容了他們對這次合作的心情。陳蕾道：「我會形容為緊張，因為我驚唱嚴肅嘅歌望到Kaho或者Jeffrey會忍唔住想笑，頭先影poster已經係囉，人哋set咗個好有氣質嘅場景但係咁忍唔住笑。」Jeffrey則分享了對於兩位拍檔的感受，道：「我會用光芒去形容，因為有時見到Kaho同陳蕾都好有光芒。」Kaho則表示：「一定要用豐富去形容，因為3位曲風，尤其陳蕾比較唔同，但我同Jeffrey又有唔同，台上可能會有啲幾好玩嘅嘢。」
為了《KATCH OUR LIFE 陳蕾 x 洪嘉豪 x 魏浚笙 音樂會》，三人早前為音樂會拍攝海報，攝影師特別營造了帶有王家衞電影感覺氛圍的場景，陳蕾、Kaho與Jeffrey都收起了平日輕鬆的心情與笑容，在鏡頭前chok爆擺甫士，型格十足，而三人在拍攝時原來都不約而同聯想到王家衞電影世界的演員。Kaho道：「我都想做返啲氣質出嚟，所以有啲相我係張國榮嘅翹腳。」陳蕾：「我都有個曼玉腦喺度！」Kaho聽罷即代Jeffrey回答道：「我係國榮腳、你係曼玉腦，Jeffrey本身就係城武樣啦！」Jeffrey聽到Kaho的答案，也傻傻的笑著，流露出金城武般的可愛笑容。
《KATCH OUR LIFE》系列音樂會，以「Katch Our Life, Bravely Be You」為核心主題，鼓勵大家活在當下，勇敢做自己。被問到他們在生活上如何勇敢做自己，Jeffrey道：「我會捉緊做人嘅信念，因為信念好緊要。」Kaho則道：「我諗係捉緊當下，因為我唔識，好多時都珍惜唔到呢一下。」陳蕾也認同Kaho，說：「我都覺得係要捉緊當下，譬如今日拍攝，有時我都唔知笑乜嘢，但都會想捉緊當下呢個同佢哋一齊合作好愉快嘅心情，希望演出當晚大家都可以好享受當下，捉緊當下，帶俾大家精彩嘅表演。」Kaho也補充，續道：「未必次次演出都有好放鬆嘅陣容，可以好珍惜可以玩，希望演唱會當晚可以做到呢種感覺俾大家。」
難得合作，未知各人又會如何準備這次《KATCH OUR LIFE 陳蕾 x 洪嘉豪 x 魏浚笙 音樂會》呢？陳蕾可會以她很擅長的針織技術，為各人編織演出服裝呢？陳蕾聽到提問望望兩位男士，笑道：「眼神已經確認佢哋唔打算著我織嘅嘢，大家合作就無謂搞到人哋喇，織完佢哋唔鍾意我又唔好意思，或者織啲小物件，當護身符袋住，當係首次合作嘅一個紀念品同祝福。」Kaho在個唱時操肌成效很好，今次可會再一次刻苦操肌呢？Kaho自爆道：「其實我冇操肌呢方面嘅興趣，但純粹覺得上台都要fit啲，但個唱我會形容為有少少過火，但嗰一刻係唔知，唔覺得自己咁瘦，所以今次會健康返啲，至於肌肉就交返俾兩位。」Jeffrey聽到Kaho這麼說，也坦言：「肌肉真係冇咗喇，消失咗，所以今次上台好想純粹享受同兩位合作。」Kaho有點不相信，說：「點知全部衫都係露臂同低胸！」最終Jeffrey將會以怎樣的歌衫登場，就要音樂會當日才有分曉，但他卻肯定會享受台上每個時刻，他說：「我想今次做到慢慢輸送歌詞每粒字嘅感覺俾台下觀眾，講好一個故事係我今次想做到嘅嘢。」
