香港區「環球小姐」（Miss Universe）2024選美大賽 記者會

由 ‘Zetrix’ 冠名贊助，香港區「環球小姐」（Miss Universe）2024選美大賽選拔賽盛大啟動， 16 強入圍佳麗已正式順利誕生。主辦機構於今日(9月2日) 舉行香港區「環球小姐」（Miss Universe）2024選美大賽16強入圍佳麗首晤傳媒；

記者: Tommy Tang

1) Jasmine
大家好，我係陳澄倩，英文名係 Jasmine ，身高係 172cm，今年 26 歲，畢業於香港理工大學，全球供應鏈管理，我嘅職業係一名瑜伽老師和滑雪教練，我的興趣非常廣泛，好鍾意做運動，除咗瑜伽同滑雪，我都有跳拉丁舞，鋼管舞，仲好鍾意戶外活動，行山，水上活動等。我的性格很外向，好鍾意嘗試同學習新嘅事物，挑戰自己，用樂觀正面嘅心態觀看整個世界，對世界充滿好奇，我覺得人生就好似一趟旅程，想係呢趟旅程裏面，試多啲唔同嘅嘢，所以我希望藉着今次參選環球小姐，踏上從未試過嘅國際舞台，放眼世界，挑戰自己，發掘自己更多的可能性，希望更有自信在舞台上發光發亮，將正能量帶比大家，宣揚香港呢個咁靚而且多方面都冇出色的城市，令更多人認識香港

2) Joyce
Hello 大家好！我叫許詠詩，大家可以叫我 Joyce。今年 26 歲，兩年前喺英國完成左 Marketing 嘅碩士學位。目前係一位創業者，希望創造屬於自己嘅美妝集合品牌，成為年輕又感染到大家既entrepreneur。我有好多愛好同興趣，尤其係鍾意跳舞、做活動主持人，同埋鐘意聽 podcast，我認為趁年輕就要多嘗試，敢夢敢想，做自己鐘意做嘅事，係最 charming 嘅！作為人生第一次站上選美舞台，我希望喺我嘅青春年華入面勇敢一次，做一個散發正能量、同埋愈來愈自信嘅女性，展現出香港活力四射、充滿無限可能嘅一面。2024 環球小姐，呢到就係我嘅起點，希望大家都會記得咁鐘意笑嘅我，同我一齊體驗呢個獨一無二嘅 journey ，一齊變得更好，
我係許詠詩 Joyce，thank you! 多謝！

3) Shannon
大家好，我係曹靖宜 Shannon. 我喺香港長大，今年 25 歳，之前本科喺美國 Johns Hopkins University 讀醫學系。 而家嘅我係一名 Private Equity Associate。 我平時比較文靜，中意讀書同彈鋼琴，我中學就考過鋼琴演揍 2 级。希望藉住今次參選 Miss Universe 可以挑戰自己，都希望可以喺國際舞台上宣傳香港同东方文化嘅美。多謝大家

4) Caroline
哈嘍大家好我是林司檸，英文名係 Caroline。我今年 26 歲，系做金融的。我平時鐘意唱歌、寫歌，同埋畫畫、跳舞，都會同朋友一起打 golf、karting。今次參加 Miss Universe 系因為我想 empower woman around me to discover their own strengths，因為我自己都係有 girl power 架，都希望身邊嘅女仔，可以發覺到自己嘅 power，可以保護到自己，同埋爭取到自己嘅 rights。希望大家多多支持我！多謝！

5) Jocelyn
大家好，我係蔡頌思 Jocelyn 我除咗係一位演員、一間傳媒公司嘅負責人、亦都係一條專業嘅美人魚。我喺 2022 年創立咗「香港水下表演藝術協會」，亦都有擔任亞洲潛水博覽會嘅美人魚大使、各大水下舞蹈比賽嘅評判等。
除咗我平時嘅工作，我最大嘅心願就係推廣水下表演藝術，呢個係結合左舞蹈、瑜珈、自由潛水和韻律泳等元素嘅一係項新興體育藝術，我好希望更多人會欣賞同接觸呢種高難度但非常優美嘅體育藝術。
如果我有幸出線到代表香港競逐環球小姐，我應該可以破紀錄，成為史上最嬌小嘅代表，打破傳統舊有嘅框框，真正體現多樣化，新時代，新女性，係世界舞台重新定義「美麗」！多謝！

6) Vera
大家好，我是劉葉，英文名字是 Vera，我的廣東話不是很好，可能是唯一一位講普通話和英語為主的選手，但我在努力學習。我來自內地一個非常小的城市，但從小就有一個來香港的夢想。這個夢想激勵著我一直努力學習，不斷挑戰自己。從英國文學專業轉到金融，從內地到完成香港和美國的碩士研究生，我終於順利進入到金融行業成為一名從業人員。但在之後，我還是在不斷努力挑戰自己的邊界，在工作之余開始嘗試模特行業。
我覺得香港精神一直以來就是努力、自強不息。這也是我一直以來的實踐和對自己的要求。今年是我來香港的第七年，希望通過參加 Miss Universe 的比賽，可以代表香港，傳遞自強、自信、美麗給更多的女孩。希望大家多多指教。

7) Juliette
大家好，我係 雷莊兒 Juliette。今年 30 歲，身高 174cm ，我喺加拿大出世，但喺香港住過超過 10 年，我媽咪爹哋都係香港人，讀書嗰時去咗一間國際學校，所以我係一個 trilingual，識講法文英文同埋廣東話，我平時鍾意打排球同埋 workout ，同埋好鍾意煮嘢食。我而家係一個演員同埋一位模特兒，而喺 2017 年我就贏咗香港小姐冠軍同埋最上鏡小姐。今次參加環球小姐係希望可以代表香港所有女士同埋喺環球舞台表演。呢個係我嘅夢想，所以希望得到大家嘅支持。Let’s show the world how beautiful, strong and international Hong Kong women are! Thank you

8) Kianna
大家好，我係魏嘉華，英文名係 Kianna，今年 31 歲，我係一位古箏青年演奏家，我嘅興趣係健身、玩高爾夫球同品酒，我希望藉著今次參選可以為香港出一分力，代表香港踏進世界舞台，傳遞女性嘅力量同知性美，亦都好想送呢位禮物比我天上嘅爸爸，因為佢好鍾意見到我係台上面發光發亮，多謝！

9) Jojo
大家好，我係姚祖恩，英文名係 Jojo 今年 24 歲我係土生土長嘅香港人，喺港大畢業同去咗英國進修之後，喺畫廊擔任藝術顧問同埋策展人同時亦有擔任兒童節目主持。我平時除咗鍾意周圍搵好嘢食之外，仲好鍾意玩戶外活動，任何球類活動或者水上活動都難我唔到，我希望藉住今次參選，可以被更多香港嘅朋友知道，雖然我睇落鬼鬼地但係內心完全係地道香港人，好自豪可以叫香港作為我嘅屋企。希望可以藉住呢個平台展示香港嘅多樣性，同全世界講點解我咁鍾意呢個地方，希望有機會可以代表香港，為港爭光。

10) Yan Kiu
大家好，我叫甄蕎，身高 171cm，我大學修讀商業管理。在學習的過程中，我對商業營運和市場行銷產生了濃厚的興趣，這激發了我未來希望進入企業界的夢想。平時我熱愛瑜伽和 Pilates，喜歡拍照和享受美食。由於我的興趣涉及攝影和美食，我努力在兩者之間取得平衡，這樣就能保持良好的身材，不至於時胖時瘦。

我非常榮幸能夠參加這次盛事，踏上這個大型舞台。這對我來說是一個難得的機會，希望能通過比賽來實現更好的自己，探索更多面向，增強自信心。在這個過程中，我期待與其他參賽者交流學習，互相激勵，共同成長。
此外，我是一個愛笑、樂觀積極的人，面對生活中的挑戰，我始終保持正面的心態。我相信，積極的心態可以感染周圍的人，讓大家在忙碌的生活中找到快樂。我希望能將這份正能量傳遞給更多人，鼓勵他們勇敢追求自己的夢想。期待大家的支持，謝謝大家！

11) Annalise
樂翊榆是一位多才多藝的專業人士，身兼銀行家、電視主持及 2019 年第 48 屆香港洲際小姐的冠軍。作為倫敦法學院的畢業生，樂翊榆是的職業生涯始於一家國際房地產諮詢公司的資本市場部門，隨後轉任外部資產管理公司的私人銀行關係經理，並同時創立了自己的移民公司。在商業領域之外，樂翊榆是懷抱成為演員的夢想，並曾在無綫電視（TVB）和 HOY TV 主持過多個節目。

在空閒時間裡，她喜愛研究風水、品酒、高爾夫球、以及參與國標舞和探索多元美食。

12) Jacqueline
大家好，我係劉致君 Jacqueline，今年 27 歲，我係一名表演者，我嘅興趣係唱歌同表演。喺上年 11 月，我代表香港參加國際潛水小姐，呢個係我第一個參加嘅選美比賽，而我覺得呢個經驗好難得，因為有機會去展現自己嘅才華，認識來自唔同國家嘅佳麗，了解到來自唔同地區嘅文化，同埋可以去藉住呢個平台一齊推廣海洋保育，同埋環保意識。

而因為呢個選美比賽，我亦都留意多咗關於國際選美嘅資訊，包括環球小姐，上年環球小姐冠軍係我一個好欣賞嘅女士，佢喺最後嘅問答環節答得非常之有內涵同得體，令我希望可以成為好似佢咁嘅女性。所以當我一見到香港區招募環球小姐，我就即刻報名。我希望藉着今次參選香港環球小姐，令自己成為一個有自信嘅女性，同埋向世界展現香港嘅美。

13) Serena
大家好，我係 Serena，許美玉，今年 25 歲，啱啱喺 University of Sydney 畢業，主修言語治療。我平時鍾意跳舞、影相，同研究星座，甚至會自己設計 press-on nails。呢啲興趣令我生活更加豐富多彩，幫我保持內心平靜之餘，亦都可以發揮創意去表達靚。
我希望藉着今次參選去挑戰自己，走出舒適區，展現我嘅勇氣、才華同自信，俾更多人認識我同我嘅專業。同時，我希望有機會代表香港，展示我哋香港女性嘅堅毅同自信，並鼓勵大家勇敢踏出第一步，相信好多原本覺得唔可能嘅嘢，其實可以成就未來嘅自己。無論面對咩挑戰，都要相信自己、愛自己，保持積極同開放嘅態度去嘗試，thank you。

14) Marie
大家好， 我係徐蒨駖 ，Marie。我係一位藝人，同時係一位化妝師。我嘅興趣是欣賞藝術，化妝同埋從不同途徑吸收知識，！專長亦都係化妝同審美，同時擁有八級鋼琴資格。大家可能係另一個選美（最後一屆口罩小姐）度見過我，之後我亦主持及參與過 ViuTV 嘅節目，包括《囝囝囡囡 730》、《商睇》等等，好榮幸今次可以嚟到呢個更具國際性嘅賽事！仲要係開放年齡同身份限制嘅第一年！有人話我好勇！其實我覺得勇氣永遠來自你願唔願意踏出個一步，希望藉著今次比賽可以代表到香港時尚新女性嘅形象，更希望將我嘅勇氣傳承落去。

15) Karen
Hello 大家好，我係羅堃尉, 你哋可以叫我英文名 Karen，今年 32 歲，係一名全職模特兒及演員，我的興趣係跳舞、演戲同埋做運動。我從小就熱愛音樂同舞蹈，對舞台同表演充滿熱情。今次係我第一次參加選美比賽，希望籍著依個機會挑戰自己，發掘更多可能性。同時想將呢份勇氣、自信同正能量傳遞俾大家，激勵更多唔同年齡嘅女性，勇敢追求自己嘅夢想。希望你哋都會支持我啦 多謝

16) Mercedes彭美詩重視家庭，且作為家庭唯一經濟支柱，為了讓母親早日退休她獨自負擔大學學費。她過往曾代表香港參加國際選美比賽。她興趣廣泛，包括唱歌、彈鋼琴、旅行和學習新語言，她表示這些活動都能讓她感到放鬆和滿足。彭美詩迫不及待想透過環球小姐與世界分享正能量。