歐信希林穎嫺不介意公開同齡55歲 分享逆齡秘訣 | 「桔享日記」擔任星級用家

靚聲實力派歌手歐信希與前港姐林穎嫺(Wing) 一向老友鬼鬼，兩人不介意公開年齡，今年都同為55歲，逆齡有道的二人，同被邀為保健食品品牌「桔享日記」擔任星級用家，日前這對「逆齡孖寶」更一起到「美與健生活博覽2024」的柏格斯有限公司攤位專櫃，當快閃店長，請大家試飲最近人氣熱賣的紅藜蘋果纖果飲及皙顏美美白飲，吸引粉絲及市民圍觀，又和現場巿民分享逆齡秘訣。

逆齡心得：內外健康拋開煩惱 對鏡自讚好靚仔

講到逆齡秘訣，阿Wing認為要靚最緊要健康，包括外表及內心的健康都好重要，至於歐信希認同逆齡要逆齡要由內到外，五臟腸道身心健康，皮膚自然會白滑，他補充說:「尤其係要盡快拋開煩惱，唔開心個個都有，但唔好積累太多，好似阿wing好善忘，唔開心嘅嘢兩個鐘頭後就唔記得晒，我原則亦都不會囤積煩惱，遇到困難想著即將變更好的自己，繼續努力向前，一天比一天進步。」他更自創踼走負能量方法，就是每天先對鏡讚自己今日好靚仔，就充滿信心出街。

歐信希：對姻緣不心急 未遇到適合伴侶

對於二人大方公開今年55歲，兩人異口同聲無須隱瞞，阿Wing 覺得年齡只是一個數字，還自爆：「我最近在美國食飯，都有人代我付帳，又有人問我結婚未？當我話我個仔已經讀大學，對方即時呆咗，哈哈！」問到阿希既然同年的阿Wing已有仔女，他有否想過結婚?他說:「有想過，但又唔想被時間規限，當然亦都未遇到啱嘅人。我比較喜歡自由自在，暫時冇結婚嘅煩惱，反而可以開心愉快生活同工作，呢個亦可能有助逆齡。」

歐信希10月生日會 以偶像張國榮歌曲會樂迷

至於阿wing可會復出？她哈哈笑說：「我從冇話過退出喎，點會有復出？之前係暫時做重要嘅事，依家我的小朋友大唒，可以自理，我就返嚟搵多啲朋友傾偈食飯，有適合嘅工作都會接受。」問他們將來有否其他方面的合作？剛拍完微電影的阿希表示如果有機會，希望可以在戲劇方面跟阿Wing合作。阿Wing就表示知道阿希十月會舉行生日音樂會，屆時如果邀請她可以回來，阿希透露他今次生日會Live Show內容以選唱他偶像哥哥張國榮歌曲為主題，還邀請到TVB聲夢家族的黄洛姸擔任表演嘉賓。

住洛杉磯常有地震 習慣做定逃生準備

早前阿Wing與家人去了日本及大馬旅遊，準備返美前卻接到今次的工作而再回港。談及日本近期地震頻生，阿Wing因避過日本地震而自覺好彩，不過她居住的洛杉磯亦經常地震，她亦遇過一次大地震，「差啲心臟病發，緊張到抓到朋友嘅手都出血，跟住幾晚都瞓唔著，係好痛苦嘅一件事，唯有為大家祈禱，因為地震發生得太快，但都有嘢可以準備，可以喺屋企準備乾糧同水。」她又謂美國久不久就有地震，所以大家都已有心理準備。