電影《地產女王》舉行試鏡利穎怡李亦喬爭取機會

2024-08-07 浩楠

由楊火燦執導嘅電影《地產女王》，噚日舉行試鏡活動。出席嘅除咗有長期被負面新聞纏身嘅張致恒，以及翟威廉、黃建東、龐景峰、劉溫馨、練樂儀、Lemon葉芷如呢幾位藝人之外，啱啱出嫁成為咗招太嘅李亦喬，同埋近日轉投HOYTV嘅利穎怡，亦有到場參與。

導演欣賞張致恒出色演技，欣賞佢番工地盤中，都特意抽時間出黎試鏡。佢狀態很好，亦都話會積極向上，努力工作。

福祿壽學院嘅黃建東更加係演技大爆發，唔好以為佢淨係識得扮鬼扮馬，楊導演表示佢演技有層次、情緒高低起伏控制得好！建東亦指有意進軍電影界大銀幕！

今次係李亦喬成為人妻之後，第一次出席電影宣傳活動。日前先至啱啱完成婚禮嘅佢，連身邊嘅一班好朋友，都未得閒一一答謝，就已經出席今次試鏡，可見佢對今次演出機會有幾重視。另一邊廂，啱啱加盟HOYTV嘅利穎怡，嚟緊將會參演電影《爭霸》。佢形容，離開咗TVB之後，佢嘅工作量明顯增加咗，起碼要忙到今個月尾。