許廷鏗積極做運動減肥 程凱欣、麥卓華讚瘦咗又型咗《原來生活好快樂》

許廷鏗（Alfred）現身新城廣播接受知訊台台長程凱欣、麥卓華主持的《原來生活好快樂》訪問，宣傳新歌《聆聽世界這分鐘》，節目甫開始，兩位主持異口同聲讚嘆：「點解Alfred今日咁有型，明顯修咗身喎！」

原來Alfred之前驗出患有嚴重脂肪肝，為重拾健康身體所以積極減肥，他表示：「個肝要搞搞佢，身體上有啲警號，除咗喺飲食上著手，都開始做運動，我做呢個訪問之前，偷咗兩個鐘去打羽毛球，出咗身汗。」Alfred又指身邊有很多朋友都熱愛打羽毛球，他笑言：「每次一call都有8、9人，去到場館就好似輪街症咁等打波。」

Alfred自爆和朋友打比賽，可惜輸了兩場，問到對手是否很強勁？他笑指：「佢哋符碌啫！」Alfred透露早前跟隨鄭伊健的健身教練做Gym，對方教他在跑步機上唱歌，他認為這方法對歌手練氣甚有幫助，同時亦希望運動可以令身形更加fit。

詳細節目內容，請重溫8月6日，早上9-10時，新城知訊台《原來生活好快樂》「自主人生」環節，網址：https://www.metroradio.com.hk/MetroInfo/