馬詠茹退役役首嚐啤酒「Heineken Beer Garden」

2024-08-02 浩楠

Heineken貴為世界知名啤酒品牌，在各地區市場一直有領先地位！近日香港市民為奧運狂歡，揀選喜力銀星啤酒屬最佳選擇，有見及此邀請眾鄧月平、Rose Ma、前港隊單車運動員馬詠茹、⁠KOLOR、REVERY出席「Heineken Beer Garden」，品嚐喜力銀星啤酒。

馬詠茹Vivian呢日出席活動時表示，過去因為運動員身分會堅決不喝酒：「因為作為一個運動員要保護好自己的身體，比賽訓練都非常不輕鬆，所以那時候我完全沒有接觸酒精的可能性。即使外地參加比賽都唔會喺賽事之後跟其他運動員飲兩杯來輕鬆下。而當退役之後跟朋友見面，就開始去飲酒。」她表示今屆奧運有多位好朋友參與賽事，已發短訊問候大家：「運動員之間就好似個大家庭，無論甚麼項目都認識的，很多以前一起玩的朋友都去到奧運會，大家都好叻好值得我哋去支持。」VIVIIAN聽到張家朗就落閘，話想大家焦點要放番喺運動上，亦不評論對方新戀情。她表示現以主持為主，如果有機會都想試下拍劇。

鄧月平話同異性飲酒會「自我保護制」千杯不醉，最近佢飲住啤酒睇奧運：「香港隊贏得劍擊兩個金牌、仲有游泳兩個銅牌賽事，都睇到心臟要爆炸。」最近鄧月平剛拍完一部劇集，8月又會接拍另一齣新劇，會有動作戲打女上身：「武器就係菜刀，仲要係兩把菜刀，所以一有時間就要練習，原先用膠刀練，但因為手感唔好改用真刀，幸好導演安排有老師教我，所以練習至今都沒有受過傷。」

KOLOR 於活動上誇口話係香港樂隊之中，更話眾所周知他們是最飲得的組合：「每個星期有四、五都來一次Happy Hour，特別係做完運動會同大班人一齊飲啤酒 (但你們會喝醉飲嗎？) 我哋都係理性去飲，而且好多時候都係開心飲，好少為咗唔開心飲，因為靠飲酒亦都解決唔到唔開心事。」Sammy話老婆盧巧音以前係唔鐘意飲啤酒，但之前去歐洲演出，可能因為飲過靚啤酒，所以最近亦愛上了。