歌手韓子亮(TL)籌備新歌 搵電視劇的童星唐子輝助陣拍MV

新歌歌名 (單戀)係一首比較抒情嘅情歌，係講述一個人單戀一個人嘅愛情故事，而今次就請來唐子輝復出幕前進行拍攝，TL表示小時候睇電視劇已經有留意到呢位小朋友，如今長大成人，大家可以合作好開心，希望新歌作為復出嘅其中一首作品，大家會喜歡。

首歌係講單戀
講述我曾經明戀一個人，而對方一直同我有做曖昧嘅事情，就好似情侶一樣行街睇戲食飯拖手，但係最後都冇一齊拍拖，經歷咗長時間單方面去鍾意佢，呢段經歷維持咗八個月，所以就寫咗一首叫做單戀嘅作品

復出感受
經歷咗好多新一代嘅偶像誕生，知道而家娛樂圈而家百花齊放，暫時仲未有簽新嘅公司，轉型做獨立歌手，亦都希望可以搵到一間好好嘅公司賞識自己，現階段好多幕後嘅事情都要自己一個人去處理問題，係比較辛苦，但係學懂成長，喺呢個過程裏面自己都學習咗放慢腳步，希望日後復出嘅作品會有更多嘅樂迷喜歡，希望以前聽過我作品嘅朋友仔會記得返我係一位歌手

自己亦都希望觀眾唔好再淨係因為我嘅新聞報道而留意我，亦都好希望係因為我嘅作品喜歡我嘅歌同我嘅性格，呢段時間都好裝備自己有做運動練習舞步學習唱歌等等，希望能夠提升自己嘅實力呈現比觀眾睇