黃劍文「孭」MV榮獲柏林音樂錄像獎2024榮譽獎

中年好聲音2黃劍文去年參與香港基督徒音樂事工協會(HKACM)的「有故事的歌」計劃，該計劃選取了四個與家庭關係有關的真人真事製作成歌曲，包括：兄弟關係、兒子對母親的懷念、父母對兒子的掛慮和夫妻關係，希望引透過4首歌和4個MV引起大家更關注及重視與家人的關係。HKACM將劍文懷念母親的故事製作成《孭》這首歌，亦將他的故事拍成MV。年初，「孭」MV參加了Berlin Music Video Award 2024(柏林音樂錄像獎2024)，並榮獲大會的榮譽獎(Horonable Mention)，是少有廣東歌曲能獲得這個殊榮。

MV link :

《孭》這首歌寫出劍文懷念母親的那份情，劍文：「我寫呢首歌嘅旋律係大概10年前，當時係澳洲working holidays ，嗰日因為落大雨，無得Busking，留咗喺屋企寫歌，寫嘅時候就係諗起媽媽。」

劍文的童年日子是複雜的，提起跟母親最深刻的事：「我記得細細嗰陣，病咗，媽媽會孭住我去睇醫生。後來，我甚至試過特登整病自己，要媽媽孭我去睇醫生，因為咁樣令我覺得同媽媽好親近。MV裡面有個畫面係媽媽孭住個仔，同埋最後嗰度有我孭住媽媽嘅畫面。我特別要多謝MV導演Jerry。嗰日導演搵咗一個好舊嘅單位，同埋比較基層，真係好有嗰時嘅感覺。拍MV嗰日我清晨5點出發去化妝整頭，第一場拍嘅戲係講我喺度busking，為咗更真實，仲特別叫咗啲Kimchi Family 朝早七時到達現場睇busking同參與拍攝，真喺好多謝 Kimchi Family。」

至於音樂製作方面，這次是第一次正式跟戴偉合作，劍文：「之前喺其他活動有試過合作。當傾編曲嗰時，我希望係以結他為主，簡單啲，然後再加大提琴。錄音嗰日，先試唱創作嗰時嘅key，然後再試低半度，兩個key嘅感覺都好唔同，最後我哋揀咗低半度，監製同我都，覺得多咗溫度同感覺。」