肥仔@ERROR出席「AEON STYLE荃灣開幕節目巡禮暨熊本物產展」

日本AEON集團自2016年引入「AEON STYLE」，先後插旗港島區及九龍區，新界區首間AEON STYLE－「AEON STYLE荃灣」今天以「荃新」面貌迎接顧客，正式開業！全面升級改裝的「AEON STYLE荃灣」為慶祝改裝後的AEON STYLE荃灣隆重開幕，特別邀請ERROR隊長肥仔（梁業）出席「AEON STYLE荃灣開幕節目巡禮暨熊本物產展」，吸引大批途人粉絲圍觀，場面熱鬧！

熊本縣政府營業部長兼幸福部長 －KUMAMON率先獻舞，向來舞技精湛的肥仔@ERROR亦技癢難耐，中途加入較勁舞技。兩位「舞林高手」攜手帶來緊湊的舞蹈演出，將活動氣氛推至高點！ 肥仔@ERROR笑言：「4年前喺熊本拍攝節目時同過KUMAMON交過手，不過當日佢主場，氣勢當然唔及得佢，知道今日AEON STYLE荃灣店安排咗咁難得機會俾我雪恥，仲要有主場優勢，一於再battle佢，我仲專登早幾日抽時間去練舞，迎戰KUMAMON！」不過比賽第二，友誼第一，肥仔@ERROR同KUMAMON當然super打和，二人更擺出不少搞笑動作，吸引大家不停拍照！

肥仔@ERROR與KUMAMON又同現場抽到的幸運觀眾組隊battle籃球競賽，二人賽前示範賽已落力投球，毫無放水之嫌，效果十足！肥仔@ERROR回應：「話晒籃球都係我嘅主項目之一，當然要投入比賽，幫同隊觀眾贏走KUMAMON喺日本帶嚟嘅禮物啦！」 他賽後更即場獻唱輕快舞曲《Jap Jap》，又與觀眾揮手互動搞氣氛。肥仔說AEON有播MIRROR歌曲，今日現場反應熱烈都可以考慮播下佢地ERROR歌曲， 他笑言：「雖然新歌《Jap Jap》創作靈感係減肥，不過今日嚟到AEON STYLE荃灣見到咁多日式美食同新品，自然忍唔住cheat day一日，每樣都『Jap Jap』！」更笑言減肥暫停一日咁多先！