霍哥邀99位人氣女KOL加持 首次出書教溝女秘笈 《百分百感覺》原作者劉雲傑15年後出限量畫集

香港人童年回憶《百分百感覺》原作者劉雲傑闊別15年，今年宣布與YES! 聯手推出限量版《城市驚喜 繪本畫集》，書展首日(17日)劉雲傑更親身到書展為自己的插畫簽名，期間被一眾書迷重重包圍，唯有加碼答應現場粉絲周六再到場為讀者簽名。

對於相隔多年人氣依然，劉雲傑表示：「好耐冇同讀者見面啦，今日去書展行吓睇吓，有D讀者還認得我，大家開心傾吓近況。」對於阿Rain(李彩華)出席活動時提出想與方力申、陳曉東、周勵淇等原班人馬開「百份百感覺演唱會」，劉雲傑笑言：「緊係百份百支持！聽到佢仲話而家鐘意小鮮肉，咁要叫Organiser安排多個小鮮肉加入喎。」

攝: Tommy Tang

同場霍哥推出《霍氏兩性相處學》 傳授溝女秘笈

近來人氣越來越旺的霍哥，今年加人書展戰團，首次出書已請來99位人氣網紅加持，傳授溝女秘笈，當中包括「熊仔頭」嘉盈及夢雨、大馬女神Miko黃潔琪、貝依霖、Kylie C及松岡李娜等等！霍哥：「好開心，今次其實係同呢99位靚女『打關係』，書面語嚟講即係『相處』，不過呢99位只係我識嘅一少部份，所以話溝女真係一種相處學嚟！DSE出年應該要納入課程，好多人生勝利組都係靠兩性相處學。」語畢，霍哥落場真人示範兩性相處學，一眾今年推出寫真的KOLl車輪轉主動與霍哥自拍打卡，書展首日霍哥已滿場飛，落力宣傳首本個人新書。