陳柏宇攜女兒出席杏花新城「杏運Summer Fun 2024」揭幕禮

為迎接四年一度的國際體壇盛事，港鐵商場杏花新城準備好與大家共度一個活力動感的暑假！由7月15日至9月1日，杏花新城將會舉辦「杏運Summer Fun 2024」，為小朋友帶來繽紛大型充氣水果樂園，三個遊樂設施包括：「充氣西瓜入樽派對」、「水果盤充氣樂園」和「充氣菠蘿攀爬大冒險」，讓各位每天免費任玩，盡情放電！商場與本地著名設計師羅曉騰Ken Lo合作，在不同角落展示其原創作品。商場更推出夏日消費優惠及商戶限時折扣，並設周末限定夏日DIY工作坊，一同歡度活力開心暑假！

今日商場邀請到藝人陳柏宇（Jason）及其女兒Abigail（Abi）齊齊出席活動揭幕禮，經常於社交媒體分享一家四口互動的Jason難得攜同愛女現身，Jason笑指：「Abi聽到有彈床玩就即刻話要跟埋過嚟！杏花新城好方便，今個夏天有彈床玩，仲有本地設計師創作嘅得意角色影相打卡，玩到攰又肚餓就即刻可以搵餐廳坐低食嘢！嚟緊放暑假都計劃咗一家人去唔同地方遊玩兼做運動，呢度有齊唔同嘅運動品牌，可以一次過買齊運動裝備，啱晒我同太太湊住兩個小朋友唔駛周圍走！」其後Jason即刻瞓身落場同囡囡一齊與粉絲Battle，挑戰難度升級版的「123紅綠燈」及「彈床糖黐豆」，囡囡全程投入，Jason亦全程護航，場面緊張刺激又溫馨！

à

難得一眾粉絲專程到場支持，Jason玩完遊戲更即場獻唱《有天》，掀起全場高潮！囡囡Abi更化身小粉絲為爸爸打氣，被問到會否教女兒們唱歌，Jason回應：「作為家長，希望提供機會畀小朋友自己多探索！家姐（Abigail）比較活潑好動，特別鍾意做運動、游水、曬太陽。今個暑假就啱晒佢啦，一家人可以一齊睇國際體育賽事。大家都要多多支持睇直播，為一眾運動員打氣！」Jason之後為參加遊戲的粉絲送上特備禮物，並與現場觀眾影大合照。最後更鼓勵在場的家長趁住假期帶小朋友一齊參與「杏運Summer Fun 2024」一系列的精彩活動及盡享消費優惠，買齊運動裝備度過充實暑假。