林德信Rap出80 年繁華懷舊風 X鄭嘉嘉唱出《超空間》

人逢喜事精神爽的林德信（Alex），生活上迎來新階段，在工作方面亦絕不鬆懈，一直熱愛音樂的他，過往大半年亦離不開創作，與近年音樂上緊密合作的歌手鄭嘉嘉，一起創作新歌《Drifting in Hyperspace(超空間)》，Alex負責Rap的部份 ，鄭嘉嘉唱普通話，中西合璧從80-90年代曲風零違和感融入當下節奏，尋找音樂新意念！

80年代Disco象徵繁華生活

他們更把歌曲的精髓，於《Drifting in Hyperspace(超空間) 》的MV中表達出來，深紅的服飾帶點神秘又懷舊感，黑麻麻的場地，就如以前的士高Disco一樣，一個尋開心又不醉無歸的地方。

Alex說：「呢首歌創作時參考過導演David Lynch的作風，所以MV都係超現實、暗黑風格，亦用咗好多懷舊道具布景。80年代嘅香港係好開心，夜生活亦好豐富，好多人都會去跳下舞，就好似今次MV以Disco做場景， 服裝又有點復古，就是想向80年代致敬。」

今次MV開場和結尾都見到一個古老電視，像要帶大家穿越到過去年代，在電視左上角的「 Dragon I TV」亦好有懷舊感覺，當年夜蒲一族要「落D」， Dragon I是熱點。

Alex未與爸爸阿Lam去過Disco

講到「落D」，Alex有沒有問爸爸林子祥，當年去Disco的印象呢?

Alex說:「我冇聽過爸爸去Disco，只係見佢收工就返屋企瞓，反而我以前玩音樂，好多時玩到深夜三、四點，會去 After Hours Club 玩音樂，感覺好正 ! 聽到音樂就想跳舞，所以創作Hyperspace概念，就係想帶俾大家呢種空間感，享受音樂、享受跳舞。 」

鄭嘉嘉：希望歌曲帶大家離開壓力

鄭嘉嘉以普通話唱《Drifting in Hyperspace(超空間)》，Alex就負責Rap。 嘉嘉話 :「 我哋覺得普通話會容易表達歌曲嘅意思，其實外國好多歌都係男仔去做Rap，女仔負責唱，只不過大中華市場就比較少。而Hyperspace 係想帶大家超越空間，離開地球，離開壓力嘅地方，喺呢個空間就只有音樂，好歡樂。」

至於MV以Disco為場景，嘉嘉表示沒有去過Disco，但對Disco音樂卻不陌生，她很喜歡聽Bee Gees、Babylon、ABBA , MJ歌，亦聽過前輩話當年所用的鍵琴，彈奏出來的節拍聲好特別，她亦很想有機會可以彈當年的鍵琴。

《Drifting in Hyperspace》節奏強勁 兩人學跳舞配合

Alex 話他一直都好鍾意Hip Hop，今次新歌有電子音樂元素，亦有舊式UK Garage的Rap。《Drifting in Hyperspace(超空間)》音樂節拍很強勁，一聽就會想跳舞，所以Alex與嘉嘉要勤力練舞。Alex說 : 「嘉嘉跳舞比我好得多，我就真係要苦練，以前拎住結他，以創作歌手形象出現 ，但Hyperspace要有好多能量，我同嘉嘉需要放低樂器走出來跳舞，所以要上堂學跳舞，甚至重新學唱歌，唱住歌跳舞同唱彈結他唱歌真係好唔同。」