Mike孖爆炸糖欣賞《繁花》香港首播 翻唱《再回首》和《一生何求》給自己70分

由王家衛執導及監製的首部電視劇《繁花》，昨晚(6月3日)於香港電視平台首播。Mike曾比特參與其中傾情演繹《繁花》OST《再回首》和《一生何求》，寵粉的Mike相約一班爆炸糖(Mike粉絲專稱)一起看首播。

Mike與爆炸糖相約在一間派對房內一起看首播，Mike表示：「其實劇集剛剛播出嘅時候都已經有睇過，但係今次喺香港首播，亦都知道有一部份我既粉絲都未睇，所以我想將今次首播嘅感覺同大家一齊分享，亦都係我第一次同我嘅粉絲一齊睇劇，好似一家人咁，好熱鬧！」其實大家對《繁花》這套劇集都讚不絕口，可惜第一集未有Mike的歌曲出，但大家已經熟悉到就連他的歌曲在第幾集會出現都背了，令Mike表示十分感動。「大家有得一齊聚會好開心，開心嘅唔止係一齊睇首播，而係有好多好耐冇見嘅粉絲。都知道今次場地人數有限，好多人都喺社交平台傳訊息俾我，表示今次抽唔到佢出席。我都應承我嘅粉絲，盡我嘅能力每一次粉絲聚會或者表演都可以將大家聚集一起。」Mike分享道。

今次翻唱Mike會給自己70分，他道：「因為我睇完套劇之後，體會又唔同咗，如果以依家呢個心態再唱一次，可能會有所不同，正因現場唱先有呢種效果，每一次嘅演繹都會隨着你對音樂嘅理解而有唔同嘅演繹方式，好吸引！」之前Mike跟王導演有過一面之緣，還大膽自薦，「當然我演戲嘅程度有限，我同王導演講如果可以喺你既戲中擔當一角，絕對係一個好難得嘅經歷，但希望係戲裏面唔好咁快死就得㗎啦！」