陳美濤出新書　從金庸講到溝女秘技

書展雖然7月先到，陳美濤一向在圈中公認才女兼金庸迷，當然要搶閘出新書。日前出版社在銅鑼灣書店舉行《笑傲任我行—細看金庸學做人》新書發佈會。書迷粉絲迫爆現場，令美濤非常興奮。

問美濤，坊間巳經有不少關於金庸的書籍，為何仍會出版這本書？

美濤表示：「我一直有做Youtube頻道『口述武俠』，都有成400萬view。今年係金庸先生百歲冥壽，就趁呢個機會，出書用輕鬆嘅角度，分析金庸武俠小說嘅故仔，因為我細看金庸後，發現居然係教溝女嘅秘技…例如《天龍八部》男主角喬峰，武功蓋世，點解三十多歲仍然單身？原來喬峰係鋼鐵直男，唔識理解女人心聲，「畀晒Signal都Get唔到」，令他一身好武功，都沒法施展於美女身上。

而出名最花心嘅段正淳，又點解美女要主動獻身？真是「男人不壞，女人不愛」？段正淳研發咗一門武功，專門在床上使用，全心全意放在女人身上，當然有著落…我想話畀大家知，睇書唔一定係悶嘅！」

美濤講到眉飛色舞，最後感謝徐小明導演同『賜官』劉天賜在百忙之中抽空寫序，真心驚喜, 經理人小婷Tiffany當然亦到場支持。