陳楨怡柬埔寨處女登台獻唱兼任主持 順道遊覽景點

陳楨怡Celina日前為柬埔寨金邊一間酒店周年活動登台，同場還有曹永廉，李施嬅同趙永洪，Celina 身穿純白貼身短裙，展示白滑背脊及大騷長腿，以最佳狀態為她第一次出海外工作、第一次做司儀、第一次獻唱，將三個第一次奉獻俾柬埔寨。

首次擔任司儀兼唱歌的Celina，雖然綵排時比較緊張，但在兩位前輩曹永廉同趙永洪指導及鼓勵下，阿廉仲將新買的耳機借俾佢Celina，以在台上清楚聽到，後台導演臨場變化，讓Celina演出順順利利。Celina完Show興奮表示：「今次真係好開心，係一個好好嘅經驗，第一次做司儀第一次唱歌，好多謝台下每位觀眾，氣氛好好。希望之後繼續多啲有機會出Trip演出。」

完Show第二天，酒店安排車帶Celina同團隊出外遊覽景點，欣賞當地的風景，雖然氣溫有40度，但無阻Celina落車打卡,說：「第一次嚟柬埔寨，一開始係有啲擔心，但係知道有好多藝人歌手都嚟過，開始逐漸放心，加上酒店出入口都設有安檢，所以非常之安全，加上裡面都有好多地方行，又有個靚泳池，仲有好多好好食嘅餐廳。佢哋既建築物好靚，好想下次再嚟。」